ରାଜଧାନୀରେ ଧୁମଧାମରେ ଚାଲିଛି କାଳୀପୂଜା, ମନ୍ଦିରରେ ଭକ୍ତଙ୍କ ଭିଡ

ଭୁବନେଶ୍ବର :  କାଳୀପୂଜା ପାଇଁ ଚଳଚଞ୍ଚଳ ରାଜଧାନୀ । ଚାଲିଛି ମା' ଙ୍କ ଆରାଧନା । ବର୍ଷର ସବୁ ଅମାବାସ୍ୟା ମଧ୍ୟରେ ଦୀପାବଳି ଅମାବାସ୍ୟାର ରହିଛି ସ୍ୱତନ୍ତ୍ର ମାହାତ୍ମ୍ୟ । ପବିତ୍ର ଦୀପାବଳି ସହ କାଳୀପୁଜା ହୋଇଥିବାରୁ ରାଜଧାନୀର ବିଭିନ୍ନ ଶକ୍ତିପୀଠରେ ଆରମ୍ଭ ହୋଇଯାଇଛି ପୂଜାର୍ଚ୍ଚନା ଓ ହୋମ ଯଜ୍ଞ । ତେବେ  ବରମୁଣ୍ଡା ମା' ଦକ୍ଷିଣ କାଳୀଙ୍କ ମନ୍ଦିରରେ ମା'ଙ୍କ ଦର୍ଶନ ଏବଂ ପୂଜାର୍ଚ୍ଚନା କରିବା ପାଇଁ ଲାଗିଛି ଭକ୍ତଙ୍କ ଭିଡ଼ । ମନ୍ତ୍ରଧ୍ୱନିରେ ପ୍ରକମ୍ପିତ ହେଉଛି ପରିବେଶ । ମା'ଙ୍କ ଦର୍ଶନ କରିବା ପାଇଁ ଭକ୍ତଙ୍କ ସୁଅ ଛୁଟିବାରେ ଲାଗିଛି । ମା'ଙ୍କ ଦର୍ଶନ କରି ଆଶିଷ ଲାଭ କରୁଛନ୍ତି ଶ୍ରଦ୍ଧାଳୁ ।

ଇଟିଭି ଭାରତ, ଭୁବନେଶ୍ବର