ଭାରତରେ Teslaର ଏଣ୍ଟ୍ରି; ମୋଦି-ମସ୍କଙ୍କ ଭେଟଘାଟ ପରେ ନିଯୁକ୍ତି ଆରମ୍ଭ କଲା କମ୍ପାନୀ

ଏଲନ ମସ୍କଙ୍କ କମ୍ପାନୀ ଟେସଲା ଭାରତରେ ନିଯୁକ୍ତି ଆରମ୍ଭ କରିଛି । ମୋଦି ଓ ଏଲନ ମସ୍କଙ୍କ ଭେଟଘାଟ ପରେ ମୁମ୍ବାଇ ଓ ଦିଲ୍ଲୀରେ ନିଯୁକ୍ତି ସୁଯୋଗ ଦେଉଛି କମ୍ପାନୀ । ଅଧିକ ପଢନ୍ତୁ

ହାଇଦ୍ରାବାଦ: ଦୁନିଆର ସବୁଠୁ ବଡ଼ ଇଲେକଟ୍ରିକ ଯାନ ନିର୍ମାତା ଆମେରିକୀୟ କମ୍ପାନୀ ଟେସଲା ଭାରତରେ ନିଯୁକ୍ତି ପ୍ରକ୍ରିଯା ଆରମ୍ଭ କରିଛି । 2016ରୁ ଭାରତୀୟ ବଜାରରେ ଏଣ୍ଟ୍ରି ମାରିବାକୁ ଯୋଜନା କରୁଥିବା ଟେସଲା ନିକଟରେ (ଫେବୃଆରୀ 13) ଆମେରିକା ୱାଶିଂଟନ ଡିସିରେ ପ୍ରଧାନମନ୍ତ୍ରୀ ମୋଦି ଓ କମ୍ପାନୀ ମୁଖ୍ୟ ଏଲନ ମସ୍କଙ୍କ ମଧ୍ୟରେ ଭେଟଘାଟ ପରେ ଏହା ସମ୍ଭବ କରିପାରିଛି । ଟେସଲା ଅତି କମରେ 13 ଭୂମିକା ପାଇଁ ନିଯୁକ୍ତି ପ୍ରଦାନ କରୁଥିବା ନେଇ ନିଜ ୱେବସାଇଟର କ୍ୟାରିୟର ପୃଷ୍ଠାରେ ପ୍ରକାଶ କରିଛି । ଏପରିକି ଲିଙ୍କଡଇନ୍‌ରେ ମଧ୍ୟ ବିଜ୍ଞାପନ ଦେଇଛି କମ୍ପାନୀ ।

Had a very good meeting with @elonmusk in Washington DC. We discussed various issues, including those he is passionate about such as space, mobility, technology and innovation. I talked about India’s efforts towards reform and furthering ‘Minimum Government, Maximum Governance.’ pic.twitter.com/7xNEqnxERZ

— Narendra Modi (@narendramodi) February 13, 2025

ଭାରତରେ ଟେସଲା ନିଯୁକ୍ତି ସୁଯୋଗ

ବ୍ଲୁମବର୍ଗ ରିପୋର୍ଟ ଅନୁସାରେ, ପରାମର୍ଶଦାତା ଓ ସର୍ଭିସ ଟେକ୍ନିସିଆଲ ସମେତ ଅତି କମରେ 5ଟି ନିଯୁକ୍ତି ଉଭୟ ମୁମ୍ବାଇ ଓ ଦିଲ୍ଲୀ ପାଇଁ ରହିଛି । ଅନ୍ୟ ନିଯୁକ୍ତି ସୁଯୋଗ ଯେପରିକି କଷ୍ଟମର ଏନଗେଜମେଣ୍ଟ ମ୍ୟାନେଜର ଓ ଡେଲିଭରି ଅପରେସନ ସ୍ପେଶିଆଲିଷ୍ଟ ଭଳି ରୋଲ୍‌ ବିଶେଷ କରି ମୁମ୍ବାଇ ଲାଗି କମ୍ପାନୀ ପ୍ରଦାନ କରିବ ।

ଟେସଲା ଦେଉଥିବା ନିଯୁକ୍ତିର ତାଲିକା:

1. ଇନସାଇଡ୍‌ ସେଲ୍ସ ଆଡଭାଇଜର୍‌
2. କଷ୍ଟମର ସପୋର୍ଟ ସୁପରଭାଇଜର୍‌
3. କଷ୍ଟମହର ସପୋର୍ଟ ସ୍ପେଶିଆଲିଷ୍ଟ
4. ସର୍ଭିସ୍‌ ଆଡଭାଇଜର୍‌
5. ଅର୍ଡର ଅପରେସନ୍ସ ସ୍ପେଶିଆଲିଷ୍ଟ
6. ସର୍ଭିସ ମ୍ୟାନେଜର
7. ଟେସଲା ଆଡଭାଇଜର୍‌
8. ଷ୍ଟୋର ମ୍ୟାନେଜର୍‌
9. ପାର୍ଟ୍ସ ଆଡଭାଇଜର୍‌
10. ବିଜନେସ୍‌ ଅପରେସନ୍ସ ଆନାଲିଷ୍ଟ
11. ଡେଲିଭରି ଅପରେସନ୍ସ ଆନାଲିଷ୍ଟ
12. ଷ୍ଟୋର ମ୍ୟାନେଜର୍‌
13. ସର୍ଭିସ୍‌ ଟେକ୍ନିସିଆନ୍‌

Tesla Cars (Image Credit: Tesla)

ଭାରତରେ ଟେସଲାର ଇତିହାସ

ଭାରତରେ ବୈଦ୍ୟୁତିକ କାର ଉପରେ ଅଧିକ ଆମଦାନୀ ଶୁଳ୍କ ଯୋଗୁଁ ଟେସଲା ଭାରତୀୟ ବଜାରରେ ଉତ୍ଥାନ ପତ୍ତନର ସମ୍ମୁଖୀନ ହୋଇଛି । କମ୍ପାନୀ ମୁଖ୍ୟ ଏଲନ ମସ୍କ ଏହି ଶୁଳ୍କ ଉପରେ ଦୀର୍ଘ ଦିନ ଧରି ଅଭିଯୋଗ କରିଆସୁଥିଲେ, ଯାହା ପ୍ରଥମେ ଟେସଲାକୁ ଭାରତୀୟ ବଜାରରେ ପ୍ରବେଶ କରିବାରେ ବାରଣ କରିଥିଲା । କିନ୍ତୁ ଭାରତର ନୀତିରେ ଏକ ବଡ଼ ପରିବର୍ତ୍ତନ କରିଛି । ଭାରତ 40,000 ଆମେରିକୀୟ ଡଲାରରୁ ଅଧିକ ମୂଲ୍ୟର ହାଇ-ଏଣ୍ଡ କାର ଉପରେ ମୌଳିକ କଷ୍ଟମ ଶୁଳ୍କ 110 ପ୍ରତିଶତରୁ 70 ପ୍ରତିଶତକୁ ହ୍ରାସ କରିଛି ।

ଭାରତର ଇଲେକଟ୍ରିକ ଯାନ (EV) ମାର୍କେଟ: ବଢୁଛି ସୁଯୋଗ

ଭାରତରେ ବଢୁଥିବା ଡିସପୋଜେବଲ ଆୟ (ଟିକସ ଦେବା ପରେ ଏବଂ ଖାଦ୍ୟ, ଭଡା ଓ ବିଲ୍ ଭଳି ଆବଶ୍ୟକତା ପୂରଣ ପରେ ବଳୁଥିବା ଆୟ) ଓ ଇଲେକଟ୍ରିକ୍‌ କାରର ଚାହିଦା ବୃଦ୍ଧି ପାଉଥିବାରୁ ଅନ୍ତର୍ଜାତୀୟ ଯାନ ନିର୍ମାତା କମ୍ପାନୀ ଲାଗି ଏହା ଏକ ମହତ୍ତ୍ବପୂର୍ଣ୍ଣ ବଜାର ଭାବେ ଉଭା ହୋଇଛି । ଅନ୍ୟପଟେ ଭାରତ ନିକଟରେ ନିଜ ନୀତିରେ ପରିବର୍ତ୍ତନ କରି ଟେସଲା ସମତେ ଅନ୍ୟ ବିଦେଶୀ କମ୍ପାନୀଗୁଡ଼ିକୁ ଭାରତୀୟ ବଜାର ପ୍ରତି ଆକର୍ଷିତ କରିଛି ।

ଏହା ବି ପଢନ୍ତୁ