CSKର ହେଲେ ଶୁଭ୍ରାଂଶୁ, ETV Bharat ସହ ସେୟାର କଲେ ଖୁସି

କଟକ: IPL ଟିମ୍ CSK ରେ ସ୍ଥାନ ପାଇବା ପରେ ପ୍ରତିକ୍ରିୟା ରଖିଲେ ଓଡିଆ ଖେଳାଳି ଶୁଭ୍ରାଂଶୁ ସେନାପତି । ସ୍ବପ୍ନ ଥିଲା, ଆଜି ସାକାର ହୋଇଛି । ମହେନ୍ଦ୍ର ସିଂହ ଧୋନିଙ୍କ ଅଧୀନରେ ଖେଳିବାକୁ ଆଶା ଥିଲା ଏବଂ ତାହା ଆଜି ପୂରଣ ହୋଇଛି ବୋଲି ଶୁଭ୍ରାଂଶୁ କହିଛନ୍ତି । ଏଥିସହ ସେ ତାଙ୍କ ପୂର୍ବ ପ୍ରଦର୍ଶନ ଏବଂ ବର୍ତ୍ତମାନର ପ୍ରଦର୍ଶନକୁ ନେଇ ଆଶାବାଦୀ ଥିବା କହିଛନ୍ତି । ପୂର୍ବ ଅପେକ୍ଷା ବର୍ତ୍ତମାନ ଭଲ ପ୍ରଦର୍ଶନ ଥିଲା, ତେଣୁ IPL ରେ ସାମିଲ ନେଇ ଏକ ପ୍ରକାର ନିଶ୍ଚିତ ଥିବା କହିଛନ୍ତି । ଓଡିଶା କ୍ରିକେଟ ଆସୋସିଏସନ, ଜିଲ୍ଲା ଆସୋସିଏସନ, ପରିବାର ବର୍ଗ, ସମର୍ଥକ ଏବଂ ସର୍ବୋପରି ରାଜ୍ୟବାସୀଙ୍କୁ ସଫଳତାର ଶ୍ରେୟ ଦେଇଛନ୍ତି । ସେହିପରି ବିଶ୍ବାସ ପ୍ରକଟ କରିଥିବାରୁ CSK ମ୍ୟାନେଜମେଣ୍ଟକୁ ମଧ୍ୟ ଧନ୍ୟବାଦ ଜଣାଇଛନ୍ତି ଶୁଭ୍ରାଂଶୁ । କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ