ବାଲ୍ମିକୀ ଟାଇଗର ରିଜର୍ଭ ପାର୍କରେ ପଶିଲା ବନ୍ୟା ପାଣି, ଜନବସତି ମୁହାଁ ବନ୍ୟପ୍ରାଣୀ

ପାଟନା: ବିହାରରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ରାଜ୍ୟର ଅନେକ ଜିଲ୍ଲା ବନ୍ୟା ଜଳ ଘେରରେ ରହିଛି । ତେବେ ପଶ୍ଚିମ ଚମ୍ପାରଣ ଜିଲ୍ଲାରେ ଅବସ୍ଥିତ ବାଲ୍ମିକୀ ଟାଇଗର ରିଜର୍ଭ ପାର୍କରେ ମଧ୍ୟ ବନ୍ୟାଜଳ ପଶିଛି । ଫଳରେ ବନ୍ୟଜନ୍ତୁମାନେ ପ୍ରାଣ ବଞ୍ଚାଇବା ପାଇଁ ନିକଟତର ଜନବସତି ମୁହାଁ ହୋଇଛନ୍ତି । ବାଲ୍ମିକୀନଗର ଅନ୍ତର୍ଗତ ବିସହା ଗାଁରେ ଏକ ବିଶାଳକାୟ ଅଜଗର ପଶି ଶମ୍ଭୁ ସିଂହଙ୍କ କୁକୁଡାକୁ ଖାଇ ଦେଇଛି । ଗ୍ରାମବାସୀ ଏହି ଖବର ବନବିଭାଗକୁ ଜଣାଇବା ପରେ ବନକର୍ମଚାରୀମାନେ ଅଜଗରକୁ ଧରି ବିଟିଆର ଜଙ୍ଗଲରେ ଛାଡି ଦେଇଛନ୍ତି ।