ପ୍ରଦୀପ ପାଣିଗ୍ରାହୀ ବିଜେପି ଯିବା ଦଳ ଉପରେ ପ୍ରଭାବ ପଡିବ ନାହିଁ: ରମେଶ ଚନ୍ଦ୍ର ଚ୍ୟାଉପଟ୍ଟନାୟକ

Bjd leader on MLA Pradeep Panigrahi Joins BJP: ବ୍ରହ୍ମପୁର: ଗତ କିଛି ମାସ ଧରି ରାଜ୍ୟ ରାଜନୀତିରେ ଚର୍ଚ୍ଚାରେ ରହୁଥିବା ଗୋପାଳପୁର ବିଧାୟକ ପ୍ରଦୀପ କୁମାର ପାଣିଗ୍ରାହୀ ସମସ୍ତ ଚର୍ଚ୍ଚାର ପୂର୍ଣ୍ଣଛେଦ ପକାଇ ବିଜେପିରେ ଆଜି ସାମିଲ ହୋଇଛନ୍ତି । ପ୍ରଦୀପ ପାଣିଗ୍ରାହୀଙ୍କ ବିଜେପିରେ ମିଶ୍ରଣ ପରେ  ଗଞ୍ଜାମ ବିଜେପିର ବରିଷ୍ଠ ନେତା ବିଭୂତି ଭୂଷଣ ଜେନା କହିଛନ୍ତି ଗୋପାଳପୁର ନିର୍ବାଚନ ମଣ୍ଡଳୀ କୌଣସି ନେତୃତ୍ବ ପାଇଲେନି । ମୁଖ୍ୟମନ୍ତ୍ରୀ ଗୋପାଳପୁରର ଦାୟିତ୍ବ ନେଲେ ହେଲେ ଗୋଟିଏ ପରେ ଗୋଟିଏ ଦଳୀୟ ନେତାଙ୍କୁ ପଠାଇଲେ ହେଲେ ସେମାନେ ଗ୍ରହଣୀୟ ହେଲେ ନାହିଁ। ବିଜେପିରେ ବିଧାୟକ ପ୍ରଦୀପ ପାଣିଗ୍ରାହୀଙ୍କ ମିଶ୍ରଣ ଦ୍ବାରା ଜିଲ୍ଲା ବିଜେପି ଆହୁରି ଶକ୍ତିଶାଳୀ ହେବ । ଦଳକୁ ଲାଭ ମିଳବ । ଅନ୍ୟପଟେ ପ୍ରଦୀପଙ୍କ ବିଜେପିରେ ମିଶ୍ରଣ ପରେ ଦଳ ଉପରେ ଏହାର କୌଣସି ପ୍ରଭାବ ପଡିବ ନାହିଁ ବୋଲି କହିଛନ୍ତି ବ୍ରହ୍ମପୁରର ପୂର୍ବତନ ବିଧାୟକ ତଥା ରାଜ୍ୟ ଯୋଜନା ବୋର୍ଡର ସଦସ୍ୟ ଡାକ୍ତର ରମେଶ ଚନ୍ଦ୍ର ଚ୍ୟାଉପଟ୍ଟନାୟକ।

ଇଟିଭି ଭାରତ, ବ୍ରହ୍ମପୁର