ମାଆ ଯାଇଥିଲେ ଭୋଟ ଦେଇ, ପାଣିରେ ବୁଡି ଶିଶୁ ମୃତ - MINOR GIRL DROWNED TO DEATH

MINOR GIRL DROWNED TO DEATH: କେନ୍ଦ୍ରାପଡା: ପୋଖରୀରେ ବୁଡି ଛଅ ବର୍ଷର ଶିଶୁକନ୍ୟା ମୃତ୍ୟୁ । ମାଆ ଭୋଟ ଦେବାକୁ ଯାଇଥିବାବେଳେ ପୋଖରୀରେ ବୁଡି ଶିଶୁକନ୍ୟା ମୃତ୍ୟୁ । ଏଭଳି ଏକ ଅଭାବନୀୟ ଘଟଣା ଘଟିଛି ରାଜନଗର ବ୍ଲକ ପ୍ରହରାଜପୁର ଗାଁରେ । ମୃତକ ଜଣକ ହେଲେ କାର୍ତ୍ତିକ ପ୍ରଧାନଙ୍କ ଝିଅ ସରସ୍ବତୀ ପ୍ରଧାନ । ଆଜି ଦିନ ପ୍ରାୟ 12ଟା ସମୟରେ ତାଙ୍କ ମାଆ ରଞ୍ଜୁଲତା ପ୍ରଧାନ ଝିଅକୁ ଘରେ ଛାଡି ଭୋଟ ଦେବା ପାଇଁ ଯାଇଥିଲେ । ଘରକୁ ଫେରି ଝିଅକୁ ବହୁ ଖୋଜାଖୋଜି ପରେ ମଧ୍ୟ ଝିଅକୁ ପାଇନଥିଲେ । କିଛି ସମୟ ପରେ ପୋଖରୀରେ ତାଙ୍କ ଝିଅ ଭାସୁଥିବାର ଦେଖି ସଙ୍ଗେସଙ୍ଗେ ତାଙ୍କୁ ଉଦ୍ଧାର କରି ରାଜନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହାକୁ ନେଇ ସମଗ୍ର ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି । 

ଇଟିଭି ଭାରତ, କେନ୍ଦ୍ରାପଡା