ନିଜ ଗାଁରେ ଭୋଟ ଦେଲେ ବୌଦ୍ଧ ବିଧାୟକ ପ୍ରଦୀପ ଅମାତ, ବିଜୟ ନେଇ ଆଶାବାଦୀ - MLA PRADIP AMAT CAST VOTE

Pradip Kumar Amat Cast Vote: ବୌଦ୍ଧ: ଆଜି ରାଜ୍ୟରେ ଦ୍ବିତୀୟ ପର୍ଯ୍ୟାୟ ମତଦାନ । ଦ୍ବିତୀୟ ପର୍ଯ୍ୟାୟ ନିର୍ବାଚନରେ ବୌଦ୍ଧରେ ମତଦାନ ଚାଲିଥିବା ବେଳେ ବୌଦ୍ଧ ବିଧାୟକ ତଥା ବିଜେଡି ବିଧାୟକ ପ୍ରାର୍ଥୀ ମନ୍ତ୍ରୀ ପ୍ରଦୀପ କୁମାର ଅମାତ ନିଜ ଗାଁରେ ପହଞ୍ଚି ମତଦାନ କରିଛନ୍ତି । 

ବୌଦ୍ଧ ବିଧାୟକ ପ୍ରାର୍ଥୀ ଭାବରେ ପ୍ରଦୀପ ଅମାତ ଷଷ୍ଠ ଥର ପାଇଁ ନିର୍ବାଚନ ମୈଦାନରେ ଅବତୀର୍ଣ୍ଣ ହୋଇଥିବା ବେଳେ ଆଜି ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ସେ ନିଜ ଗାଁ ବିଜାପଦର ଠାରେ ପହଞ୍ଚି ମତଦାନ କରିଛନ୍ତି । ବୌଦ୍ଧ ଜିଲ୍ଲାର ଉଭୟ କଣ୍ଟାମାଳ ଓ ବୌଦ୍ଧ ନିର୍ବାଚନ ମଣ୍ଡଳୀରେ ବ୍ୟାପକ ସୁରକ୍ଷା ବ୍ୟବସ୍ଥା ମଧ୍ୟରେ ମତ ସାବ୍ୟସ୍ତ କରୁଛନ୍ତି ଭୋଟର । ମହିଳାମାନଙ୍କୁ ନିର୍ବାଚନ ପ୍ରତି ଅଧିକ ଆକର୍ଷିତ କରିବାକୁ ଜିଲ୍ଲାର 40ଟି ସ୍ଥାନରେ ପିଙ୍କ୍ ବୁଥ ବା ସଖି ବୁଥ କରାଯାଇଛି । ଜିଲ୍ଲାର ଉଭୟ ନିର୍ବାଚନ ମଣ୍ଡଳୀରେ ସମୁଦାୟ ୪୧୧ଟି ମତଦାନ କେନ୍ଦ୍ରକୁ ମହିଳା, ଯୁବ ବର୍ଗ ତଥା ବରିଷ୍ଠ ନାଗରିକମାନେ ଆସି ମତଦାନ କରୁଛନ୍ତି । ବୌଦ୍ଧ ଓ କଣ୍ଟାମାଳ ନିର୍ବାଚନ ମଣ୍ଡଳୀର ସମସ୍ତ ବିଧାୟକ ପ୍ରାର୍ଥୀ ମଧ୍ୟ ସେମାନଙ୍କ ମତ ସାବ୍ୟସ୍ତ କରୁଛନ୍ତି । ବୌଦ୍ଧ ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ପ୍ରଦୀପ କୁମାର ଅମାତ ପତ୍ନୀଙ୍କ ସହ ନିଜ ପୈତୃକ ଗ୍ରାମ ବ୍ରାହ୍ମଣୀପାଲି ପଞ୍ଚାୟତର ବିଜାପଦର ଗ୍ରାମରେ ପହଞ୍ଚି ସେଠାରେ ମତଦାନ କରିଛନ୍ତି । 

ଇଟିଭି ଭାରତ, ବୌଦ୍ଧ