EVM ଅଚଳାବସ୍ଥା, ଘଣ୍ଟାଏ ଲାଇନରେ ଛିଡା ହେଲେ ସମ୍ବିତ - Sambit Patra Cast Vote

ପୁରୀ: ଅନେକ ବୁଥରେ EVM ଅଚଳ ହୋଇପଡିଥିବା ଅଭିଯୋଗ ଆସିଛି । ଫଳରେ ଅନେକ ସ୍ଥାନରେ ଭୋଟରମାନେ ମତଦାନ କରିନପାରି ଫେରି ଯାଇଛନ୍ତି । ପୁରୀ ସଦର ବିଧାନସଭା ଆସନ ଭୂଦାନ ପ୍ରାଥମିକ ବିଦ୍ୟାଳୟରେ ହୋଇଥିବା 77 ନମ୍ବର ବୁଥରେ ମକପୋଲ ପରେ ଇଭିଏମ ଅଚଳ ହୋଇଯାଇଥିଲା । ଫଳରେ ସକାଳୁ ପ୍ରାୟ ଏକ ଘଣ୍ଟାରୁ ଅଧିକ ସମୟ ଧରି ମତଦାନ ବାଧାପ୍ରାପ୍ତ ହୋଇଥିଲା । ଅନେକ ବରିଷ୍ଠ ନାଗରିକ ବହୁ ସମୟ ଅପେକ୍ଷା ପରେ ମତଦାନ କରିନପାରି ଫେରି ଯାଇଥିବା ଦେଖିବାକୁ ମିଳିଥିଲା । ସେଠାରେ ଇଭିଏମ ଅଚଳ ଯୋଗୁଁ ଦୀର୍ଘ ସମୟ ଧରି ପୁରୀ ବିଜେପି ଲୋକସଭା ପ୍ରାର୍ଥୀ ସମ୍ବିତ ପାତ୍ରଙ୍କୁ ମଧ୍ୟ ଅପେକ୍ଷା କରିବାକୁ ପଡିଥିଲା । ଏଭଳି ଅବ୍ୟବସ୍ଥାକୁ ନେଇ ସମ୍ବିତ ଅସନ୍ତୋଷ ପ୍ରକାଶ କରିବା ସହ ଭୋଟିଂ ପାଇଁ ଅତିରିକ୍ତ ସମୟ ମଧ୍ୟ ଦାବି କରିଥିଲେ । ପୁରୀରେ ଗତଥର ପରାଜିତ ହୋଇଥିବା ସମ୍ବିତ ଏଥର ବିଜେଡି ପ୍ରାର୍ଥୀ ଅରୂପ ପଟ୍ଟନାୟକଙ୍କୁ ସାମ୍ନା କରୁଛନ୍ତି । ନିକଟରେ ସମ୍ବିତ ମୋଦିଙ୍କ ପୁରୀ ଗସ୍ତ ସମୟରେ ଜଗନ୍ନାଥଙ୍କ ସମ୍ପର୍କରେ ବିବାଦୀୟ ବୟାନ ଦେଇ ସମାଲୋଚନା ଘେରକୁ ଆସିଥିଲେ ।

ଇଟିଭି ଭାରତ, ପୁରୀ