ଯାଜପୁରରେ ନାମାଙ୍କନ ଭରିଲେ ବର୍ଷା ପ୍ରିୟଦର୍ଶିନୀଙ୍କ ସମେତ 14 ପ୍ରାର୍ଥୀ - Odisha Assembly Election 2024

Odisha Assembly Election 2024: ଯାଜପୁର: ଆଜି 4ର୍ଥ ଦିନରେ ନାମାଙ୍କନ ପତ୍ର ଦାଖଲ କଲେ ସ୍ଵାଧୀନ ସମେତ ବିଭିନ୍ନ ରାଜନୈତି ଦଳର ପ୍ରାର୍ଥୀ । ଗତକାଲି ସୁଦ୍ଧା 14ଜଣ ଦଳୀୟ ଏବଂ ସ୍ବାଧୀନ ପ୍ରାର୍ଥୀ ସେମାନଙ୍କର ପ୍ରାର୍ଥୀ ପତ୍ର ଦାଖଲ କରିଥିବା ବେଳେ ଗତକାଲି ଗୋଟିଏ ଦିନରେ ବିଧାନସଭା ଏବଂ ଲୋକସଭା ଆସନ ପାଇଁ 14ରୁ ଊର୍ଦ୍ଧ୍ବ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି । ପ୍ରାର୍ଥୀ ମାନେ ନିଜ କର୍ମୀ ଓ ସମର୍ଥକଙ୍କ ସହ ଜିଲ୍ଲା ମୁଖ୍ୟାଳୟକୁ ଶୋଭାଯାତ୍ରାରେ ଆସି ପ୍ରାର୍ଥୀପତ୍ର ଦାଖଲ କରିଛନ୍ତି ।  

ବିଜୟ ସମସ୍ତଙ୍କ ଲକ୍ଷ୍ୟ ଥିବାବେଳେ ପୃଥକ୍ ପୃଥକ୍ ଦଳର ପ୍ରାର୍ଥୀ ବିଭିନ୍ନ ମୁଦ୍ଦା ଓ ପ୍ରସଙ୍ଗ ନେଇ ନିର୍ବାଚନ ଲଢ଼ୁଥିବା ମତ ଦେଇଛନ୍ତି । ବିଜେପିରୁ ଯାଜପୁର ବିଧାନସଭା ପ୍ରାର୍ଥୀ ଗୌତମ ରାୟ, କୋରାଇ ପ୍ରାର୍ଥୀ ଆକାଶ ଦାସ ନାୟକ, ବଡଚଣା ପ୍ରାର୍ଥୀ ଅମର ନାୟକ, ସୁକିନ୍ଦା ପ୍ରାର୍ଥୀ ପ୍ରଦୀପ ବଳ ସାମନ୍ତ, ବରୀ ବିଧାନସଭା ପ୍ରାର୍ଥୀ ଉମେଶ ଜେନା ପ୍ରମୁଖ 5ଜଣ ବିଧାୟକ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି। ସେହିପରି ବିଜେପି ଲୋକସଭା ପ୍ରାର୍ଥୀ ଡ଼ ରବୀନ୍ଦ୍ର ନାରାୟଣ ବେହେରା ମଧ୍ୟ ଆଜି ତାଙ୍କର ନାମାଙ୍କନ ଦାଖଲ କରିଛନ୍ତି। ସେହିପରି ବିଜେଡିରୁ ସୁକିନ୍ଦା ଆସନ ପାଇଁ ପ୍ରିତିରଞ୍ଜନ ଘଡାଇ ଏବଂ ବଡଚଣା ଆସନ ପାଇଁ ବର୍ଷା ପ୍ରିୟଦର୍ଶିନୀ ତାଙ୍କର ନାମାଙ୍କନ ଦାଖଲ କରିଛନ୍ତି। ବରୀରୁ କଂଗ୍ରେସ ପ୍ରାର୍ଥୀ ଦେବାଶିଷ ନାୟକ ଓ ବଡଚଣାରୁ କଂଗ୍ରେସ ପ୍ରାର୍ଥୀ ଅଜୟ କୁମାର ସାମଲ ସେମାନଙ୍କର ନାମାଙ୍କନ ପତ୍ର ଦାଖଲ କରିଛନ୍ତି । ମୋଟ 10ଜଣ ଦଳୀୟ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ଜଣାପଡ଼ିଛି । ଏହା ବ୍ୟତୀତ କିଛି ସ୍ଵାଧୀନ ପ୍ରାର୍ଥୀ ମଧ୍ୟ ନାମାଙ୍କନ ଦାଖଲ କରିଛନ୍ତି।  

ଇଟିଭି ଭାରତ, ଯାଜପୁର