ପ୍ରୟାଗରାଜ: ରାସ୍ତାରେ ଅଟକି ରହିଲା ଶହ ଶହ ଗାଡି । ଅଟକି ରହିଲେ ଲକ୍ଷ ଲକ୍ଷ ଶ୍ରଦ୍ଧାଳୁ । ନା ଗାଡି ଚକ ଇଞ୍ଚେ ଘୁଞ୍ଚିଲା । ନା ଶ୍ରଦ୍ଧାଳୁ ନିଜ ସମୟ ମଧ୍ୟରେ ଗନ୍ତବ୍ୟସ୍ଥଳରେ ପହଞ୍ଚି ପାରିଲେ । ଘଣ୍ଟାଘଣ୍ଟା ଧରି ସେମିତି ରାଜରାସ୍ତାରେ ସମୟ ବିତାଇଲେ ଶ୍ରଦ୍ଧାଳୁ । ମହାକୁମ୍ଭରେ ବୁଡ ପକାଇବାକୁ ଯାଉଥିବା ଶ୍ରଦ୍ଧାଲୁ ବୁଡ ପକାଇବା ତ ଦୂରର କଥା କୁମ୍ଭମେଳା ପର୍ଯ୍ୟନ୍ତ ପହଞ୍ଚି ପାରିଲେନି । ବରଂ କୁମ୍ଭମେଳାରେ ବୁଡ ପକାଇବା ପାଇଁ ଘଣ୍ଟାଘଣ୍ଟା ଗାଡି ଭିତରେ ଅପେକ୍ଷା କଲେ ।
प्रयागराज में महाकुंभ का भव्य आयोजन चल रहा है...
— Dr Mohan Yadav (@DrMohanYadav51) February 10, 2025
मैं स्वयं भी त्रिवेणी संगम में स्नान करके आया हूँ। मध्यप्रदेश से लगे सभी क्षेत्रों में खासकर रीवांचल में श्रद्धालुओं के आने से आवागमन में दबाव बना हुआ है।
प्रदेश सरकार ने इन सभी मार्गों पर श्रद्धालुओं के लिए भोजन, पानी एवं अन्य… pic.twitter.com/RUhgN0GUan
ମହାକୁମ୍ଭ ମେଳାରେ ବୁଡ ପକାଇବାକୁ ଯେମିତି ସମଗ୍ର ବିଶ୍ବ ରାସ୍ତାକୁ ଓହ୍ଲାଇ ଆସିଛି । ଆସ୍ଥାର ଏହି ମହାନ ପର୍ବେରେ ସାମିଲ ହେବାକୁ ଜୱଲପୁର-ରିୱା ରୁଟ୍ରେ 350 କିଲୋମିଟର ପର୍ଯ୍ୟନ୍ତ ଟ୍ରାଫିକ୍ ଜାମ । ଭାରତର ଇତିହାସରେ କୌଣସି ଜାତୀୟ ରାଜପଥରେ ଏହା ବର୍ତ୍ତମାନ ସୁଦ୍ଧାର ବଡ ଟ୍ରାଫିକ ଜାମ୍ । ସେହିପରି ସମଗ୍ର ବିଶ୍ବରେ ଚୀନର ବେଜିଂରେ ଦୁନିଆର ସବୁଠାରୁ ବଡ ଟ୍ରାଫିକ ଜାମ ଲାଗିଥିଲା । 12 ଦିନ ଲାଗିଥିବା ଜାମ୍କୁ ଦୁନିଆର ସବୁଠାରୁ ବଡ ଟ୍ରାଫିକ ଜାମ୍ କୁହାଯାଏ । କେବଳ ଏହି ଘଟଣା ନହେଁ ଦୁନିଆରେ ଏଭଳି ବଡ ବଡ ଟ୍ରାଫିକ ଜାମ୍ ଦେଖିବାକୁ ମିଳିଛି ।
- ଚୀନରେ ସବୁଠାରୁ ବଡ ଟ୍ରାଫିକ ଜାମ୍
ପ୍ରୟାଗରାଜ-ରୀୱା-କଟନୀ-ଜୱଲପୁର ରାସ୍ତାରେ ଜାମ୍ ରେକର୍ଡ ସୃଷ୍ଟି କରିଛି । କିନ୍ତୁ ଏହା ପୂର୍ବରୁ ଚୀନ୍ର ବେଜିଂରେ 2010ରେ ଦୁନିଆର ସବୁଠୁ ବଡ ଟ୍ରାଫିକ ଜାମ୍ ଲାଗିଥିଲା । ଗିନିଜ ବୁକ୍ ଅଫ ବିଶ୍ବ ରେକର୍ଡରେ 14 ଅଗଷ୍ଟ 2010ରେ ଏହି ଜାମ୍ ଲାଗିଥିଲା । 100 କିଲୋମିଟରର ଏହି ଜାମ୍ ଦୁନିଆର ସବୁଠାରୁ ବଡ ଜାମ୍ କୁହାଯାଏ । କାରଣ 12 ଦିନ ପର୍ଯ୍ୟନ୍ତ ଲୋକେ ଏହି ଜାମ୍ରେ ଫସିଥିଲେ । ସେପଟେ ମଧ୍ୟପ୍ରଦେଶରେ ଲାଗିଥିବା ଜାମ୍ କାରଣରୁ 5 ଘଣ୍ଟାର ଯାତ୍ରା ପାଇଁ 24 ଘଣ୍ଟା ସମୟ ଲାଗିଥିଲା ।
- ବ୍ରାଜିଲ,ମୁମ୍ବାଇ ଓ ମିଶର ନାଁରେ ବି ସମାନ ରେକର୍ଡ
ଚୀନ ପରେ ବ୍ରାଜିଲର ସାଓ ପାଓଲୋରେ 300 କିଲୋମିଟର ପର୍ଯ୍ୟନ୍ତ ବଡ ଜାମ୍ ଲାଗିଥିଲା । 2012 ଏହି ଜାମ୍ରେ ଲୋକେ 12 ରୁ 15 ଘଣ୍ଟା ଫସିରହିଥିଲେ । 2017ରେ ମୁମ୍ବାଇର ବାସୀ ଓ ନଭୀ ମୁମ୍ବାଇ ମଝିରେ 8 ଘଣ୍ଟା ଧରି ଜାମ୍ ଲାଗିଥିଲା । 2013ରେ ମିଶରର କାହିରାରେ 60 କିଲୋମିଟର ପର୍ଯ୍ୟନ୍ତ ଜାମ ଲାଗିଥିଲା । ଚୀନର 12 ଦିନ ଜାମ୍କୁ ଛାଡିଦେଲେ ପ୍ରୟାଗରାଜ-ରିୱା-ଜୱଲପୁର ଟ୍ରାଫିକ ଜାମ ଦୁନିଆର ସବୁଠାରୁ ଲମ୍ବା ଟ୍ରାଫିକ ଜାମ କୁହାଯାଏ । ଏହି ଜାମ୍ରେ ଲୋକେ 12ରୁ18 ଘଣ୍ଟା ଫସି ରହିଥିଲେ
- ଦେଶର ସବୁଠାରୁ ବଡ ଟ୍ରାଫିକ ଜାମର କାରଣ ?
ପ୍ରୟାଗରାଜ ମହାକୁ୍ଭରେ ବୁଡ ପକାଇବାକୁ ଦେଶ ବିଦେଶରୁ ଶ୍ରଦ୍ଧାଳୁ ଆସି ପହଞ୍ଚୁଛନ୍ତି । ରିପୋର୍ଟ କହୁଛି ଗତ 26 ଦିନ ମଧ୍ୟରେ 40 କୋଟିରୁ ଅଧିକ ଶ୍ରଦ୍ଧାଳୁ ପ୍ରୟଗରାଜରେ ପହଞ୍ଚିଛନ୍ତି। ମକର ସଂକ୍ରାନ୍ତି, ମୌନୀ ଅମାବାସ୍ୟା ଓ ବସନ୍ତ ପଞ୍ଚମୀ ଅମୃତ ସ୍ନାନ ପରେ ଭିଡ ଟିକିଏ କମିବାର ଅନୁମାନ କରାଯାଉଛି । ଏହି କାରଣରୁ 5 ଫେବୃଆରୀ ପର୍ଯ୍ୟନ୍ତ ସଙ୍ଗମରେ ଭିଆଇପି ପ୍ରୋଟୋକଲକୁ ବନ୍ଦ କରିଦିଆଯାଇଥିଲା ।
- ୱିକେଣ୍ଡରେ ବିଗିଡିଲା ଟ୍ରାଫିକ ବ୍ୟବସ୍ଥା
ସପ୍ତାହର ଶେଷ ଆଡକୁ ବିପୁଳ ସଂଖ୍ୟାରେ ଶ୍ରଦ୍ଧାଳ ପ୍ରୟାଗରାଜରେ ପହଞ୍ଚୁଛନ୍ତି । ମହାକୁମ୍ଭ ମେଳା ପାଇଁ ପାଖାପାଖି 107ଟି ସ୍ବତନ୍ତ୍ର ଟ୍ରେନ ଚଳାଚଳ କରୁଛି । କିନ୍ତୁ ଟ୍ରେନ ଭିଡ କାରଣରୁ ଅନେକ ଶ୍ରଦ୍ଧାଳୁ ନିଜ ଗାଡିରେ ପ୍ରୟାଗରାଜରେ ପହଞ୍ଚୁଛନ୍ତି । ମାଘ ପୂର୍ଣ୍ଣିମାରେ ଅଧିକାଂଶ ଶ୍ରଦ୍ଦାଳୁ ପ୍ରୟାଗରାଜରେ ପହଞ୍ଚୁଛନ୍ତି । ମାଘ ପୂର୍ଣ୍ଣିମା ଏଥର ରବିବାରରେ ପଡୁଥିବାରୁ ବହୁସଂଖ୍ୟାରେ ଶ୍ରଦ୍ଧାଳୁ ପ୍ରୟାଗରାଜ ପହଞ୍ଚିବା କାରଣରୁ ଜାମ୍ ଲାଗିଥିଲା । ପ୍ରୟାଗରାଜକୁ ସଂଯୋଗ କରୁଥିବା ମୁଖ୍ୟ ରାଜପଥ ବାରଣାସୀ, ମିର୍ଜାପୁର, ପ୍ରତାପଗଢ, ରିୱା ଓ କାନପୁରରେ ଦୀର୍ଘ କିଲୋମିଟର ପର୍ଯ୍ୟନ୍ତ ଟ୍ରାଫିକ ବ୍ୟବସ୍ଥା ବିଗିଡି ଯାଇଥିଲା ।
ଏହା ମଧ୍ୟ ପଢନ୍ତୁ ମହାକୁମ୍ଭରେ ବୁଡ଼ ପକାଇଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
ଏହା ମଧ୍ୟ ପଢନ୍ତୁ ମହାକୁମ୍ଭ ମେଳାରେ ବଢୁଛି ରୁଦ୍ରାକ୍ଷ ବିକ୍ରି, କେମିତି ଚିହ୍ନିବେ କେଉଁଟା ଅସଲି ?
- ମଧ୍ୟପ୍ରଦେଶରେ କାହଁକି ଏତେ ବଡ ଜାମ୍ ?
ମଧ୍ୟ ପ୍ରଦେଶର ରିୱା-କଟନୀ ଜବଲପୁରରେ ଜାମ୍ର କାରଣ ହେଉଛି ବିପୁଳ ସଂଖ୍ୟାରେ ଦକ୍ଷିଣ ଭାରତର ଶ୍ରଦ୍ଧାଳୁ ପ୍ରୟାଗାଜରେ ପହଞ୍ଚିବା । ଏହ ରୁଟ୍ ଦେଇ ତେଲାଙ୍ଗାନା, ଆନ୍ଧ୍ର୍ର ପ୍ରଦେଶ, କର୍ଣ୍ଣାଟକ, କେରଳର ଲକ୍ଷଲକ୍ଷ ଶ୍ରଦ୍ଧାଳୁ ପ୍ରୟାଗରାଜରେ ପହଞ୍ଚିଥିଲେ । ଫଳରେ ଏହି ରୁଟରେ ଟ୍ରାଫିକ ଉପରେ ରେକର୍ଡ ସଂଖ୍ୟାରେ ପ୍ରଭାବ ପଡିଥିଲା । ଛିନ୍ଦୱାଡାର ପରିବାର ସହ ପ୍ରୟାଗରାଜ ବାହାରିଥିବା ପ୍ରଦୀପ ଶ୍ରୀବାସ୍ତବ କହିଛନ୍ତି ‘‘ଛିନ୍ଦୱାଡାରୁ ଜବଲପୁର ଆମେ ସାଢେ ତିନି ଘଣ୍ଟାରେ ପହଞ୍ଚିଗଲୁ । କିନ୍ତୁ ଜବଲପୁରରୁ ପ୍ରୟାଗରାଜ ପହଞ୍ଚିବାରେ 12 ରୁ 13 ଘଣ୍ଟା ସମୟ ଲାଗିଥିଲା । ଜାମ ପରିସ୍ଥିତି ଯୋଗୁଁ ସପରିବାର ଗାଡିରେ ରାତି କାଟିଥିଲୁ ’’।
- ଦେଶରେ ଅନେକ ଥର ଭାଙ୍ଗିଛି ରେକର୍ଡ
ପ୍ରୟାଗରାଜରୁ ଜବଲପୁର ପର୍ଯ୍ୟନ୍ତ ଗାଡିମୋଟ ଜାମର ନୂଆ ରେକର୍ଡ ସୃଷ୍ଟି ହୋଇଛି । କିନ୍ତୁ ଦେଶରେ ପୂର୍ବରୁ ବି ଏଭଳି ଜାମ୍ ରେକର୍ଡ ରହିଛି । ଅବସରପ୍ରାପ୍ତ ଡିଜି ଅରୁଣ ଗୁର୍ଟୁ କହିଛନ୍ତି ‘‘କ୍ରାଉଡ ମ୍ୟାନେଜମେଣ୍ଟର ନିଜସ୍ବ ସୀମା ରହିଛି । ଜାମ୍ ସ୍ଥିତି ଏଥିପାଇଁ ବି ଉପୁଜେ କାରଣ ପ୍ରତ୍ୟେକ ବ୍ୟକ୍ତି ନିଜ ସୁବିଧାଜନକ ଗାଡିରେ ଗନ୍ତବ୍ୟ ସ୍ଥଳରେ ପହଞ୍ଚିବାକୁ ଚାହେଁ । ଖରାଦିନେ ପାହାଡିଆ ଅଞ୍ଚଳରେ ଟ୍ରାଫିକ ସମସ୍ୟା ଦେଖାଦେଇଥାଏ କାରଣ ସମସ୍ତେ ସେଠାକୁ ଛୁଟି କାଟିବାକୁ ଯିବାକୁ ପସନ୍ଦ କରିଥାନ୍ତି ’’।
- ଚୀନ୍ ଜାମ୍ରେ ଘର କରି ରହିଥିଲେ ଲୋକେ
ଦୁନିଆର ସବୁଠାରୁ ବଡ ଜାମ୍ ଚୀନର ବେଜିଂରେ ହୋଇଥିବାର ରେକର୍ଡ ରହିଛି । ସେତେବେଳେ ବେଜିଂ ତିବ୍ବତ ଏକ୍ସପ୍ରେସ ୱେରେ ଲୋକେ ଅସ୍ଥାୟୀ ଘର କରି ରହିବା ପାଇଁ ବାଧ୍ୟ ହୋଇଥିଲେ । ସେହିପରି ଦୁନିଆରେ ଜାମ୍ ଲାଗିବା ମାମଲାରେ ସବୁଠାରୁ ଖରାପ ସ୍ଥିତି ନାଇଜେରିଆରେ ଦେଖିବାକୁ ମିଳେ । ନାଇଜେରିଆରେ ଟ୍ରାଫିକ ଇଣ୍ଡେକ୍ସ 334.9 ରହିଛି । ଯାହାକି ଦୁନିଆରେ ସବୁଠାରୁ ଅଧିକ । ଏଠାରେ ଟ୍ରାଫିକ ସମସ୍ୟା କାରଣରୁ ଲୋକେ ଏକ ଘଣ୍ଟା ବିଳମ୍ବର ସାମନା କରନ୍ତି । କିନ୍ତୁ ଭାରତର ଇଣ୍ଡେକ୍ସ 204 ରହିଛି । ଭାରତରେ ଟ୍ରାଫିକ ଜାମ ସମସ୍ୟା 46 ମିନିଟର ରହିଛି ।
- 200ରୁ 300 କିଲୋମିଟର ଯାଏଁ ଜାମ୍
ଦିନକ ପୂର୍ବରୁ ମଧ୍ୟପ୍ରଦେଶର ରାଜରାସ୍ତାରେ ପଛକୁ ପ ଅଟକିଥିଲା ହଜାର ହଜାର ସଂଖ୍ୟାରେ ଗାଡି । ମଧ୍ୟପ୍ରଦେଶ ଆଡୁ ପ୍ରୟାଗରାଜ ଆସୁଥିବା ଗାଡି ଗୁଡିକୁ ଅଟକାଇଥିଲା ମଧ୍ୟ ପ୍ରଦେଶ ପୋଲିସ । ଯେଉଁଥିପାଇଁ ସୋସିଆଲ ମିଡିଆରେ ‘‘ବିଶ୍ବର ସର୍ବବୃହତ ଟ୍ରାଫିକ ଜାମ’’ ଟ୍ରେଣ୍ଡିଂ କରୁଥିଲା । ପାଖାପାଖି 200 ରୁ 300 କିଲୋମିଟର ପର୍ଯ୍ୟନ୍ତ ଗାଡି ଗୁଡିକ ଧାଡି କରି ଅଟକି ରହିଥିଲେ । ପ୍ରଶାସନର ଟ୍ରାଫିକ ବ୍ୟବସ୍ଥା ପରିଚାଳନାକୁ ନେଇ ସ୍ବର ଉଠାଇଥିଲେ ଶ୍ରଦ୍ଧାଳୁ । ଫରିଦାବାଦରୁ ଆସୁଥିବା ଶ୍ରଦ୍ଧାଳୁ ଅସନ୍ତୋଷ ଜାହିର କରିଥିଲେ । ସେମାନେ କହିଥିଲେ ‘‘ମାତ୍ର 4 ଘଣ୍ଟାର ରାସ୍ତା ପାଇଁ ଆମେ 24 ଘଣ୍ଟା ରାସ୍ତାରେ ଅଟକି ରହିଲୁ।’’
