ಬಾಲಿವುಡ್ ನಟ ರಣಬೀರ್ ಕಪೂರ್ ಅವರು ನಟಿ ಕೃತಿ ಸನೋನ್ ಜೊತೆ ನಟಿಸುವ ಬಯಕೆ ವ್ಯಕ್ತಪಡಿಸಿದ್ದಾರೆ. ಅವರ ಇತ್ತೀಚಿನ 'ತು ಜೂಟಿ ಮೇ ಮಕ್ಕರ್' ಸಿನಿಮಾ ಪ್ರಚಾರದ ವೇಳೆ ರಣಬೀರ್ ಕಪೂರ್ ಜೊತೆ ಪ್ರಶ್ನೆಯೊಂದನ್ನು ಕೇಳಲಾಯಿತು. ನಿಮ್ಮ ಮುಂದಿನ ಸಿನಿಮಾಗೆ ನೀವು ಬಯಸುವ ನಟಿ ಯಾರು? ಎಂದು ಪ್ರಶ್ನಿಸಲಾಯಿತು. ಈ ವೇಳೆ ಅವರು ಬಿಟೌನ್ ಬೆಡಗಿ ಕೃತಿ ಸನೋನ್ ಹೆಸರನ್ನು ಪ್ರಸ್ತಾಪಿಸಿದ್ದಾರೆ.
ಇದು ಬಾಲಿವುಡ್ ಅಂಗಳದಲ್ಲಿ ಟ್ರೆಂಡಿಂಗ್ ಸುದ್ದಿಯಾಗಿದೆ. ರಣಬೀರ್ ಕಪೂರ್ ಅವರು ಈ ಮೂಲಕ ತಮ್ಮ ಮನದ ಇಂಗಿತವನ್ನು ಹೊರಹಾಕಿದ್ದಾರೆ. ಕೃತಿ ಸನೋನ್ ಜೊತೆ ನಟಿಸುವ ಕನಸನ್ನು ತೆರೆದಿಟ್ಟಿದ್ದಾರೆ. ಇವರಿಬ್ಬರು ಜೋಡಿಯಾಗಿ ತೆರೆ ಮೇಲೆ ಬಂದಲ್ಲಿ ಸಿನಿಮಾ ಮತ್ತಷ್ಟು ಹಿಟ್ ಆಗುವುದರಲ್ಲಿ ಎರಡು ಮಾತಿಲ್ಲ.
ಜೋಡಿಯಾಗಿ ರಣಬೀರ್ ಶ್ರದ್ಧಾ ನಟನೆ: ಲುವ್ ರಂಜನ್ ನಿರ್ದೇಶಿಸಿದ 'ತು ಜೂಟಿ ಮೇ ಮಕ್ಕರ್' ಸಿನಿಮಾವನ್ನು ಮಾರಿಷಸ್, ಸ್ಪೇನ್, ದೆಹಲಿ ಮತ್ತು ಮುಂಬೈನಲ್ಲಿ ಚಿತ್ರೀಕರಿಸಲಾಗಿದೆ. ಮೊದಲ ಬಾರಿಗೆ ಬಾಲಿವುಡ್ ಸೂಪರ್ ಸ್ಟಾರ್ ರಣಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ಸಿನಿಮಾದಲ್ಲಿ ಅನುಭಾವ್ ಸಿಂಗ್ ಬಾಸ್ಸಿ, ಡಿಂಪಲ್ ಕಪಾಡಿಯಾ ಮತ್ತು ಬೋನಿ ಕಪೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸಿನಿಮಾವು ನಿನ್ನೆ ಬಿಡುಗಡೆಯಾಗಿದ್ದು, ಮೊದಲ ದಿನವೇ ಉತ್ತಮ ಗಳಿಕೆ ಕಂಡಿದೆ.
ಇದನ್ನೂ ಓದಿ: ಕೆಜಿಎಫ್ ಚಾಪ್ಟರ್ 2 ದಾಖಲೆ ಸರಿಗಟ್ಟಲಿದೆ ಕಬ್ಜ ಸಿನಿಮಾ ಬಿಡುಗಡೆ.. 4000 ಚಿತ್ರಮಂದಿರಗಳಲ್ಲಿ ಏಕಕಾಲಕ್ಕೆ ಬಿಡುಗಡೆ ಸಂಭವ
ಈ ಹಿಂದೆ ಶಂಶೇರಾ ಚಿತ್ರದಲ್ಲಿ ಆ್ಯಕ್ಷನ್ ಪಾತ್ರ ಮತ್ತು ಬ್ರಹ್ಮಾಸ್ತ್ರದಲ್ಲಿ ಫ್ಯಾಂಟಸಿ ಡ್ರಾಮದ ಮೂಲಕ ಪ್ರೇಕ್ಷಕರನ್ನು ಮನರಂಜಿಸಿದ್ದ ರಣಬೀರ್ ಇದೀಗ ತು ಜೂಟಿ ಮೇ ಮಕ್ಕರ್ ಚಿತ್ರದಲ್ಲಿ ಮತ್ತೆ ಲವರ್ ಕಂ ಕಾಮಿಡಿ ಬಾಯ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ರೊಮ್ಯಾಂಟಿಕ್ ಕಾಮಿಡಿ ಮತ್ತು ಕೌಟುಂಬಿಕ ಎಂಟರ್ಟೈನ್ಮೆಂಟ್ ಚಿತ್ರ ಇದಾಗಿದೆ. ಶ್ರದ್ಧಾ ಮತ್ತು ರಣಬೀರ್ ನಡುವಿನ ಕಿತ್ತಾಟದ ಪ್ರೇಮ ಕಾವ್ಯವನ್ನು ಈ ಕಥೆ ಹೊಂದಿದೆ. ಇಬ್ಬರು ತಮ್ಮ ಪಾತ್ರಗಳಿಗೆ ನ್ಯಾಯ ಒದಗಿಸಿದ್ದಾರೆ. ಈ ಸಿನಿಮಾ ಸುಮಾರು 3302 ಪರದೆಗಳಲ್ಲಿ ನಿನ್ನೆ ಬಿಡುಗಡೆಯಾಗಿದೆ. 2018 ರಲ್ಲಿ ತೆರೆಕಂಡ ಸೋನು ಕೆ ಟಿಟು ಕಿ ಸ್ವೀಟಿ ನಂತರ ಲುವ್ ರಂಜನ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ.
ಇನ್ನು ಬಹುಬೇಡಿಕೆ ನಟಿ ಕೃತಿ ಸನೋನ್ ಸಿನಿಮಾ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದ್ದಾರೆ. ಕೃತಿ ಎರಡು ಬ್ಲಾಕ್ ಬಸ್ಟರ್ ಚಿತ್ರಗಳಿಗಾಗಿ ಸಜ್ಜಾಗುತ್ತಿದ್ದಾರೆ. ಓಂ ರಾಟ್ ನಿರ್ದೇಶಿಸಿದ ಆದಿಪುರುಷ್ ಸಿನಿಮಾದಲ್ಲಿ ಪ್ರಭಾಸ್ ಜೊತೆ ಕೃತಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾವು ಜೂನ್ನಲ್ಲಿ ಬಿಡುಗಡೆಯಾಗಲಿದೆ. ಮತ್ತು ವಿಕಾಸ್ ಬಹ್ಲ್ಸ್ ನಿರ್ದೇಶನದ ಗಣಪತ್ ಚಿತ್ರದಲ್ಲಿ ಟೈಗರ್ ಶ್ರಾಫ್ ಜೊತೆ ನಟಿಸಲಿದ್ದಾರೆ. ಈ ಸಿನಿಮಾವು ಅಕ್ಟೋಬರ್ನಲ್ಲಿ ತೆರೆ ಕಾಣಲಿದೆ. ಇದಲ್ಲದೇ ದಿ ಕ್ರ್ಯೂ ಮತ್ತು ಶಾಹಿದ್ ಕಪೂರ್ ಅವರ ಹೆಸರಿಡದ ಸಿನಿಮಾದಲ್ಲಿ ಕೆಲಸ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಶರಿಯತ್ ಕಾನೂನು ಬಿಕ್ಕಟ್ಟಿಗೆ ಪರಿಹಾರ: ಹೆಣ್ಣು ಮಕ್ಕಳ ಭವಿಷ್ಯಕ್ಕಾಗಿ 28 ವರ್ಷಗಳ ನಂತರ ಮರು ಮದುವೆಯಾದ ಸಿನಿಮಾ ನಟ
