মৰিগাঁও লঠাবড়ীত মুকলি বিহু উদযাপন

কৰ’ণাৰ ভয়ংকৰ পৰিস্থিতিক আওকাণ কৰি অসমবাসীয়ে বিহু উদযাপন কৰিছে ৷ চেনেহী বিহুৰ লগত সংগতি ৰাখি মৰিগাঁও লঠাবড়ী গাঁৱৰ শংকৰজ্যোতি যুৱক সংঘৰ উদ্যোগত বামুণ গোসাঁই থানৰ প্ৰাংগণতো মুকলি বিহু উদযাপন কৰা হয় । মৰিগাঁও জিলা সাংবাদিক সন্থাৰ প্ৰাক্তন সভাপতি বিৰিঞ্চি কুমাৰ শৰ্মাই প্ৰদৰ্শনী মূলক এই মুকলি বিহুখনৰ শুভ উদ্বোধন কৰাৰ লগতে মৰিগাঁও টাউন উচ্চতৰ মাধ্যমিক বিদ্যালয়ৰ অধ্যক্ষ দেবেশ্বৰ গোস্বামীয়ে বন্তি প্ৰজ্বলন কৰে ৷ উল্লেখ্য যে, গাঁওখনৰ মহিলা সকলৰ দ্বাৰা পৰিবেশন কৰা জেং বিহুৰে মুকলি বিহু আৰম্ভ কৰা হয় ৷ জানিব পৰা মতে, জাংফাই, ঢোলবিৰি আদিকৰি বহুকেইটা বিহুদলৰ বিহু পৰিবেশনৰে নিশা ৰজনজনাই তোলে মৰিগাঁও লঠাবড়ী অঞ্চল ।