বৰপথাৰত কানি আসক্ত যুৱকক আটক

গোলাঘাট জিলাৰ বৰপথাৰ আৰক্ষী থানাৰ অন্তৰ্গত টেঙানী বৰহোলা শ্যাম গাঁৱৰ এটা দুৰ্গম অঞ্চলত ১নং টেঙানী গাঁওৰক্ষী বাহিনী, কছাৰীহোলা গাঁওৰক্ষী বাহিনী, বৰপথাৰ থানা পৰিচালনা সমিতি আৰু টেঙানীৰ লাট গাওঁবুঢ়াৰ যৌথ অভিযানত চাৰিজন কানি সেৱনকাৰীক আটক কৰে ৷ চামকো শ্যাম নামৰ লোক জনৰ বাগানৰ মাজৰ এটা চাংঘৰত কানি সেৱন কৰি থাকোঁতে চামকো শ্যামৰ লগতে আৰু চাৰি জন লোকক হাতে লোটে ধৰিবলৈ সক্ষম হয় অভিযান কাৰী দলটোৱে ৷ লোক কেইজনৰ পৰা বৃহৎ কানিৰ টুপুলাৰ লগতে কানি সেৱন কৰা সামগ্ৰী, ৭০ হাজাৰ নগদ ধন, পাঁচটা মʼবাইল ফোন লগতে বহুতো আপত্তি জনক সামগ্ৰী উদ্ধাৰ কৰা হয়।