বকোত ট্ৰাকৰ ওপৰত বাগৰিল বিদ্যুৎ পৰিবাহী তাঁৰৰ দুটা খুটা

বকোৰ ভালুকঘাটা মাকেলী পথত ধুমুহাত চলন্ত ট্ৰাকত বাগৰি পৰিল বিদ্যুত পৰিবাহী তাঁৰৰ খুটা । ১১ হাজাৰ ভল্টৰ বিদ্যুৎ পৰিবাহী তাঁৰৰ দুটা খুটা বাগৰি পৰে ট্ৰাকখনত । কথমপি প্ৰাণ ৰক্ষা পৰে চালকসহ ট্ৰাকত থকা চাৰিজন ব্যক্তিৰ । জানিব পৰা মতে, ঘটনাৰ সময়ত সংযোগ বিচ্ছিন্ন আছিল বিদ্যুতৰ । বিদ্যুৎ বিভাগৰ চৰম হেমাহীৰ বাবে এই ঘটনা সংঘটিত হোৱাৰ অভিযোগ স্থানীয় ৰাইজৰ । উল্লেখ্য যে, বিদ্যুৎ সংযোগী খুটা দুটা পুৰ্বৰ পৰাই হালি থকাত বিদ্যুৎ বিভাগক এই সন্দৰ্ভত অবগত কৰিছিল যদিও কোনো গুৰুত্ব প্ৰদান নকৰে বুলিও অভিযোগ ৰাইজৰ ।