Success tips: যদি লক্ষ্য কঠিন হয় তেন্তে ইয়াত বিফল হোৱাৰ সম্ভাৱনা থাকে কিন্তু বিফলতাৰ ভয় যেতিয়া আমাৰ মন-মগজুলৈ আহিবলৈ ধৰে তেন্তে অসম্ভৱ কামটোও যেন অসম্ভৱ লাগিবলৈ আৰম্ভ কৰে । সেয়ে বিফলতাৰ এই ভয় দূৰ কৰিবলৈ আজি আমি শাস্ত্ৰৰ কিছুমান কাহিনীৰ পৰা শিক্ষা লও আহক যি আপোনাক জীৱনত আগবাঢ়ি যোৱাৰ বাবে অনুপ্ৰেৰণ যোগাব পাৰে । তেন্তে পলম নকৰি শাস্ত্ৰৰ এনে 5টা কাহিনীৰ বিষয়ে জানো আহক, য'ত লুকাই আছে সফলতাৰ মূলমন্ত্ৰ...
কোনো কাম বিভ্ৰান্তিৰে আৰম্ভ নকৰিব
শ্ৰীমদ্ভাগৱত গীতাত মহাভাৰত যুদ্ধ আৰম্ভ হোৱাৰ আগে আগে অৰ্জুন বিভ্ৰান্তিত পৰিছিল, কোনটো শুদ্ধ ভুল কোনটো বুজিব পৰা নাছিল । সেই সময়ত শ্ৰীকৃষ্ণই অৰ্জুনক কৈছিল যে, কোনো কাৰণতে আমি ভ্ৰমত আৱদ্ধ হৈ পৰিব নোৱাৰো । যদি আমি ভ্ৰমত আৱদ্ধ হৈ পৰো তেন্তে সফলতা লাভ কৰাটো অসম্ভৱ । অৰ্জুনৰ বিভ্ৰান্তি দূৰ কৰিবলৈ শ্ৰীকৃষ্ণই গীতাৰ প্ৰচাৰ কৰিলে । শ্ৰীকৃষ্ণৰ কথা শুনি অৰ্জুনৰ সকলো ভ্ৰম দূৰ হ’ল আৰু তাৰ পিচত তেওঁ যুদ্ধৰ বাবে সাজু হ’ল ।
সেয়েহে যদি আমি সফল হ’ব বিচাৰো তেন্তে প্ৰথমে আমাৰ সকলো ভ্ৰম আঁতৰাব লাগিব । ভ্ৰমৰ সৈতে কাম কৰিলে কেতিয়াও সফল হ’ব নোৱাৰি ।
আত্মবিশ্বাসৰ অভাৱে বিফলতাৰ ভয় বৃদ্ধি কৰে
ৰামায়ণত হনুমান, অংগদ, জাম্বৱন আৰু বানৰ সৈন্যই গম পালে যে দেৱী সীতা সাগৰৰ সিপাৰে ৰাৱণৰ লংকাত আছে । এই কথাৰ সত্যতা জানিবলৈ কোনোবাই লংকালৈ যাব লগা হৈছিল । সেই সময়ত অংগদে কৈছিল যে মই সাগৰ পাৰ হৈ লংকালৈ যাব পাৰিম, কিন্তু উভতি আহিম নে নাই তাত মোৰ সন্দেহ আছে ।
ইয়াত অংগদে আত্মবিশ্বাসৰ অভাৱ দেখুৱাই লংকালৈ যাবলৈ অস্বীকাৰ কৰিছিল । ইয়াৰ পিচত জাম্বৱনে হনুমানক তেওঁৰ শক্তিৰ কথা সোঁৱৰাই দি লংকালৈ যাবলৈ অনুপ্ৰাণিত কৰে ।
জাম্বৱনৰ কথা শুনি হনুমান আত্মবিশ্বাসেৰে ভৰি পৰিল আৰু লংকালৈ যাবলৈ সাজু হ’ল । পিছলৈ হনুমান জীয়ে নিজৰ আত্মবিশ্বাসেৰে এই কঠিন কামটো সম্পন্ন কৰিলে ।
যদি যিকোনো কাম আৰম্ভ কৰাৰ পূৰ্বে আপোনাৰ আত্মবিশ্বাস দুৰ্বল হয় তেন্তে সফলতা আপোনাৰ হাতৰ পৰা পিছলি যাব পাৰে, গতিকে আপোনাৰ আত্মবিশ্বাস দুৰ্বল হ’বলৈ নিদিব । নিজৰ ওপৰত বিশ্বাস ৰাখক ।
বিফলতাৰ পৰা শিক্ষা লৈ আগবাঢ়ক
মহাভাৰতত উল্লেখ কৰা অনুসৰি যুধিষ্ঠিৰৰ জুৱা খেলাৰ বেয়া অভ্যাস আছিল । এই অভ্যাসৰ বাবেই যুধিষ্ঠিৰে দুৰ্যোধন আৰু শকুনিৰ হাতত সকলো হেৰুৱাইছিল, আনকি ভাই আৰু দ্ৰৌপদীকো বাজিত পেলাইছিল আৰু তেওঁলোককো হেৰুৱাইছিল । যুধিষ্ঠিৰে তেওঁৰ ব্যৰ্থতা মানি লৈ তাৰ পৰা শিকি আগবাঢ়ি গ’ল । এই সকলোবোৰৰ পিচতো যুধিষ্ঠিৰে ধৈৰ্য আৰু ধৰ্ম হেৰুৱাব পৰা নাছিল । বিফলতাৰ পৰা শিকি অহাৰ বাবেই তেওঁ ভৱিষ্যতে সকলো সঠিক সিদ্ধান্ত গ্ৰহণ কৰিছিল আৰু শ্ৰীকৃষ্ণ আৰু তেওঁৰ ভাতৃসকলৰ সহায়ত যুদ্ধত কৌৰৱক পৰাস্ত কৰিছিল ।
সেয়ে মনত ৰাখিব যে যদি আপুনি জীৱনত কেতিয়াবা বিফল হয় তেন্তে আপুনি নিৰাশ নহ’ব । বিফলতাৰ পৰা শিকি আগবাঢ়ক । কোনো পৰিস্থিতিত ধৈৰ্য আৰু ধৰ্ম পৰিত্যাগ কৰা উচিত নহয় । তেতিয়াহে সফলতা লাভ কৰিব পাৰিব ।
(বিঃদ্রঃ ধৰ্ম, জ্যোতিষ, বাস্তু, ফেংচুই, টেৰ’ কাৰ্ড আদি বিষয়ত আধাৰিত এই লেখাসমূহ কেৱল পাঠকে জানিবৰ বাবেহে । এই উপায়সমূহ অৱলম্বনৰ পূৰ্বে বিশেষজ্ঞৰ পৰামৰ্শ লোৱাটো জৰুৰী । আমাৰ উদ্দেশ্য কেৱল পাঠকক অৱগত কৰা। ইটিভি ভাৰতে এই তথ্য নিশ্চিত কৰা নাই ।)
লগতে পঢ়ক
