Orunodoi card distribution : বঙাইগাঁৱত অৰুণোদয় কাৰ্ড বিতৰণ কাৰ্যসূচীত অংশগ্ৰহণ মন্ত্ৰী অশোক সিংহলৰ

বঙাইগাঁও, ১৩ অক্টোবৰ : বৃহস্পতিবাৰে বঙাইগাঁৱৰ দলাইগাঁৱত থকা ষ্টেডিয়ামৰ খেল পথাৰত অৰুণোদয় ২.০ ৰ হিতাধিকাৰী সন্মিলন অনুষ্ঠিত কৰা হয় ৷ এই হিতাধিকাৰী সন্মিলনত উপস্থিত থাকে অসম চৰকাৰৰ কেবিনেট মন্ত্ৰী অশোক সিংহল ৷

লগতে উক্ত হিতাধিকাৰী সন্মিলনত উপস্থিত থাকে বঙাইগাঁও বিধানসভা সমষ্টিৰ বিধায়ক ফণীভূষণ চৌধুৰী, কমতাপুৰ স্বায়ত্তশাসিত পৰিষদৰ অধ্যক্ষ হিতেশ্বৰ বৰ্মন, কমতাপুৰ স্বায়ত্তশাসিত পৰিষদৰ মুখ্য কাৰ্যবাহী পাৰিষদ গকুল বৰ্মন, বঙাইগাঁও পৌৰসভাৰ পৌৰপতি সুবোধ চন্দ্ৰ দাস সহ জিলাৰ কেইবাগৰাকী বিশিষ্ট ব্যক্তি ৷

উল্লেখ্য যে, এইবাৰ অৰুণোদয় ২.০ ত বঙাইগাঁও জিলাৰ পৰা মুঠ ১৭৪১০ গৰাকী লোকক আঁচনিত অন্তৰ্ভুক্ত কৰা হয় ৷ সভাৰ অন্তত মন্ত্ৰী অশোক সিংহলে সংবাদ মাধ্যমৰ আগত কেতবোৰ মন্তব্য প্ৰকাশ কৰে ৷ লগতে অৰুণোদয় ৩.০ ত আৰু কেইবাহাজাৰো হিতাধিকাৰীৰ নাম অন্তৰ্ভুক্ত কৰা হ’ব বুলি জানিব দিয়ে মন্ত্ৰীগৰাকীয়ে ৷

লগতে পঢ়ক : Orunodoi card distribution : মন্ত্ৰী পৰিমল শুক্লবৈদ্যৰ উপস্থিতিত ডিফুত অৰুণোদয় 2.0 ৰ হিতাধিকাৰীক অনুমোদন পত্ৰ বিতৰণ