নতুন দিল্লী : ভাৰতীয় ক্ৰিকেট দলৰ তাৰকা বেটছমেন তথা প্ৰাক্তন অধিনায়ক বিৰাট কোহলীয়ে বৰ্তমান নিজৰ ফৰ্মৰ সৈতে যুঁজি আছে । প্ৰথমতে নিউজীলেণ্ডৰ বিৰুদ্ধে শৃংখলাত বিফল হোৱাৰ পিছত অষ্ট্ৰেলিয়াৰ বিৰুদ্ধেও স্বভাৱসিদ্ধ খেল প্ৰদৰ্শনত ব্যৰ্থ হয় কোহলী । অৱশ্যে তেওঁৰ ওপৰত আস্থা অটুট ৰাখিছে ভাৰতীয় দল নিৰ্বাচক সমিতিয়ে । যাৰ বাবে তেওঁক বৰ্তমান ভাৰত ভ্ৰমণৰত ইংলেণ্ড দলৰ বিৰুদ্ধে 3 খনীয়া এদিনীয়া শৃংখলাত অংশগ্ৰহণ কৰা দেখা যাব । সকলোৱে আশা কৰিছে ইংলেণ্ডৰ বিৰুদ্ধে নিজৰ ছন্দলৈ উভতি আহক কিং কোহলী । কিয়নো ইয়াৰ পিছতে 19 ফেব্ৰুৱাৰীৰ পৰা পাকিস্তানত আৰম্ভ হ'বলগা চেম্পিয়নছ ট্ৰফী, 2025ত কোহলীয়ে এক গুৰুত্বপূৰ্ণ ভূমিকা পালন কৰিব লাগিব ।
সেয়ে তেওঁৰ অনুৰাগীসকলে আশা কৰিছে যে চেম্পিয়নছ ট্ৰফীৰ পূৰ্বে কোহলীৰ ফৰ্ম উভতি আহিব আৰু তেওঁৰ বেটৰ পৰা ৰাণ ওলাব । ইফালে ইয়াৰ মাজতে পাকিস্তানৰ বাওঁহতীয়া ফাষ্ট বলাৰ মহম্মদ আমিৰে বিৰাট কোহলী সন্দৰ্ভত এক গুৰুত্বপূৰ্ণ মন্তব্য আগবঢ়াইছে । আমিৰে বৰ্তমান আন্তৰ্জাতিক লীগ টি-২০ত ডেজাৰ্ট ভাইপাৰ্ছৰ হৈ খেলি আছে ।
বিৰাট সৰ্বশ্ৰেষ্ঠ ক্ৰিকেটাৰ
মহম্মদ আমিৰে বিৰাট কোহলী সন্দৰ্ভত কয়, "বিৰাট কোহলী এই প্ৰজন্মৰ সৰ্বশ্ৰেষ্ঠ ক্ৰিকেটাৰ । মই তেওঁৰ বিৰুদ্ধে খেলিছোঁ, মই জানো যে তেওঁ এই যুগৰ শ্ৰেষ্ঠ খেলুৱৈ । এগৰাকী ভাল প্ৰদৰ্শন কৰা খেলুৱৈক কেতিয়াও সন্দেহ নকৰিব । বিৰাট কোহলী এনেকুৱা এগৰাকী খেলুৱৈ, যিয়ে নিশ্চিতভাৱে এক ভাল প্ৰত্যাৱৰ্তন কৰিব পাৰে ।"
Mohammad Amir said - " virat kohli is the best cricketer of this generation. i played against him, i know he's the best player of this era. and never ever doubt the player who delivered. virat kohli is such a kind of player who definitely come back hard". (switch). pic.twitter.com/SPfAGPgzae
— Tanuj Singh (@ImTanujSingh) January 23, 2025
উল্লেখ্য যে নিজৰ ফৰ্মৰ সৈতে যুঁজি থকা বিৰাট কোহলীয়ে ইংলেণ্ডৰ বিৰুদ্ধে তিনিখন মেচৰ এদিনীয়া শৃংখলাত নিজৰ স্বাভাৱিক ছন্দলৈ পুনৰ ঘূৰি আহিব বিচাৰিব । আনহাতে, ইয়াৰ পিছতে তেওঁক চেম্পিয়নছ ট্ৰফী 2025-ত নিজৰ স্বভাৱগত ক্ৰীড়াশৈলীত দেখা যাব পাৰে । 2017 চনত চেম্পিয়নছ ট্ৰফীৰ ফাইনেলত ভাৰতীয় দলটো পাকিস্তানৰ হাতত পৰাস্ত হৈছিল । এতিয়া কোহলীয়ে নিজৰ সুন্দৰ প্ৰদৰ্শনেৰে পুনৰ এবাৰ ভাৰতীয় দলটোৰ বাবে আন এক খিতাপ আঁজুৰি আনিব বিচাৰিব ।
Mohammad Amir said - " virat kohli is the best cricketer of this generation". (switch). pic.twitter.com/8gMChC1nsd
— Tanuj Singh (@ImTanujSingh) January 23, 2025
বিৰাট কোহলীৰ ঈৰ্ষণীয় কেৰিয়াৰ
আন্তঃৰাষ্ট্ৰীয় ক্ৰিকেটত বিৰাট কোহলীয়ে ভাৰতৰ হৈ 123 খন টেষ্টত অংশগ্ৰহণ কৰিছে । টেষ্ট কেৰিয়াৰৰ 210 টা ইনিংছত তেওঁ 9,230 ৰাণ সংগ্ৰহ কৰিছে । ইয়াৰে ভিতৰত আছে 30 টা শতক আৰু 31 টা অৰ্ধশতক । আনহাতে, এদিনীয়াত তেওঁ 283 খন মেচত 13,906 ৰাণ সংগ্ৰহ কৰিছে । তেওঁৰ নামত আছে 50 টা এদিনীয়া শতক আৰু 72 টা অৰ্ধশতক । ইফালে টি-20 আন্তঃৰাষ্ট্ৰীয়ত কোহলীয়ে 125 খন মেচৰ 117 টা ইনিংছত এটা শতক আৰু 38 টা অৰ্ধশতকৰ সৈতে 4,188 ৰাণ সংগ্ৰহ কৰিছে । ইয়াৰ উপৰি তেওঁৰ নামত এদিনীয়াত 5 টা আৰু টি-20ত 4 টা আন্তঃৰাষ্ট্ৰীয় উইকেটো আছে ।
