মৰাণত ভয়াৱহ অগ্নিকাণ্ড, কথমপি প্ৰাণৰক্ষা আশী উৰ্দ্ধৰ মহিলাৰ

ডিব্ৰুগড়, 29 ডিচেম্বৰ : শুকুৰবাৰে মৰাণৰ চেপন তিনিআলিত সংঘটিত হ’ল ভয়াৱহ অগ্নিকাণ্ড । সংঘটিত অগ্নিকাণ্ডটোৰ ফলত সম্পূৰ্ণৰূপে জাহ গ'ল ফুল মহন নামৰ এগৰাকী মহিলাৰ বাসগৃহ ৷ ভয়াবহ অগ্নিকাণ্ডটোৰ ফলত কথমপি প্ৰাণৰক্ষা পৰে ফুল মহনৰ জ্যেষ্ঠ ভগ্নী জোনাকী মহনৰ ৷

ইফালে অগ্নিকাণ্ডটো সংঘটিত হোৱাৰ পাছতে ঘটনাস্থলীত অগ্নিনিৰ্বাপক বাহিনী উপস্থিত হৈ অগ্নি নিৰ্বাপন কৰে যদিও ইতিমধ্যে জুইত সম্পূৰ্ণৰূপে জাহ যায় বাসগৃহটো ৷ অৱশ্যে কি কাৰণত অগ্নিকাণ্ডটো সংঘটিত হ'ল এই মুহুৰ্তলৈ জানিব পৰা হোৱা নাই ।

ভুক্তভোগী পৰিয়ালটোৱে জানিবলৈ দিয়া অনুসৰি ঘৰটোত বিদ্যুৎ সংযোগ নাছিল আৰু জুইৰ ব্যৱস্থাও নাই ৷ তেনেস্থলত উক্ত অগ্নিকাণ্ডই ৰসহ্যৰ সৃষ্টি কৰাৰ লগতে অঞ্চলটোত এক উত্তেজনাপূৰ্ণ পৰিৱেশৰ সৃষ্টি কৰিছে ।

লগতে পঢ়ক :  মন্দিৰৰ সন্মুখত মদ-মাংসৰ বেহা, উচ্ছেদৰ দাবী স্থানীয় ৰাইজৰ