Massive Fire at Sonapur: সোণাপুৰৰ দিচাং ৰিজৰ্টত ভয়ংকৰ অগ্নিকাণ্ড

গুৱাহাটী, 28 জুন: সোণাপুৰ পাটৰকুছিস্থিত দিচাং ৰিজৰ্টত ভয়ংকৰ অগ্নিকাণ্ড ৷ বুধবাৰে পুৱাই ৰিজৰ্টখনত অস্থায়ীভাৱে নিৰ্মাণ কৰা বিবাহ মণ্ডপ জ্বলি উঠিল দাউ-দাউকৈ ৷ পেণ্ডেলৰ ভিতৰত নিশা অনুষ্ঠিত হৈছিল বিবাহ অনুষ্ঠান ৷ অগ্নিকাণ্ড সংঘটিত হোৱাৰ পিছতেই ৰিজৰ্টখনত থকা লোকসকলৰ মাজত আতংকময় পৰিবেশৰ সৃষ্টি হয় ৷  

ঘটনাৰ খবৰ পোৱাৰ লগে লগে কেইবাখনো অগ্নিনিৰ্বাপক বাহিনীৰ গাড়ী ঘটনাস্থলীত উপস্থিত হৈ আঢ়ৈ ঘন্টাজোৰা চেষ্টাৰ পিছত জুই নুমুৱাবলৈ সক্ষম হয় ৷ অস্থায়ী মণ্ডপত প্ৰায় এক কোটি টকাৰ সা-সম্পত্তি আছিল ৷ এই অগ্নিকাণ্ডত প্ৰায় 90 লাখ টকাৰ সা-সম্পত্তি জুইত জাহ যায় বুলি অনুমান কৰা হৈছে ৷ বৈদ্যুতিক শ্বৰ্ট চাৰ্কিটৰ বাবে এই আগ্নিকাণ্ড সংঘটিত হয় বুলি অগ্নিনিৰ্বাপক বাহিনীয়ে জানিবলৈ দিয়ে ৷

লগতে পঢ়ক: Haflong Civil Hospital : হাফলং অসামৰিক চিকিৎসালয়ত অক্সিজেন চিলিণ্ডাৰ বিস্ফোৰণ সন্দৰ্ভত চিকিৎসালয় কৰ্তৃপক্ষৰ স্পষ্টীকৰণ