টিংখাঙত লেখিকা সংস্থাৰ প্ৰতিষ্ঠা দিৱস পালন

টিংখাং সন্মিলিত লেখিকা সংস্থাৰ পঞ্চবিংশতম প্ৰতিষ্ঠা দিৱস(Foundation Day of Tingkhang lekhika santha)বুধবাৰে অনুষ্ঠিত হয় । টিংখাঙৰ সাহিত্য,সাংস্কৃতিক,সামাজিক ক্ষেত্ৰখনত নিৰৱছিন্ন ভাৱে অৱদান আগবঢ়াই অহা টিংখাং লেখিকা সংস্থাৰ প্ৰতিষ্ঠা দিৱস এদিনীয়া বৰ্ণাঢ্য কাৰ্যসূচীৰে উদযাপন কৰা হয় । টিংখাঙৰ টাই কলাকৃষ্টি কেন্দ্ৰত(Tai Artefactory Centre at Tingkhang)অনুষ্ঠিত হোৱা কাৰ্যসূচীৰ আৰম্ভণীতে সন্থাৰ ২৫ খনকৈ পতাকা উত্তোলন কৰা হয়। বন্তি প্ৰজ্বলন আৰু আয়তিৰ উৰুলিৰে আৰম্ভ হোৱা সন্থাৰ প্ৰতিষ্ঠা দিৱসৰ কাৰ্যসূচীত বিশিষ্ট লেখিকা ড৹ জ্যোতিমালা গোহাঁই ফুকন,অৰ্চনা গোহাঁই দুৱৰা,কুসুম গগৈ,মন্দিৰা কটকীৰ লগতে সন্থাৰ বিষয়ববীয়া-সদস্যা সকল উপস্থিত থাকে । উক্ত অনুষ্ঠানটোৰ লগত সংগতি ৰাখি মহিলা সকলৰ মাজত দিহানাম আৰু পৰম্পৰাগত সাজপাৰ প্ৰতিযোগিতা অনুষ্ঠিত হয় ।