Nagaon News: কংগ্রেছক অচল মুদ্ৰা আখ্যা বিজেপি যুৱ মৰ্চাৰ

নগাঁও, 12 অক্টোবৰ: বৃহস্পতিবাৰে নগাঁৱত উপস্থিত হৈ বিস্ফোৰক মন্তব্য বিজেপি যুৱ মৰ্চাৰ ৰাজ্যিক সভাপতি সিদ্ধাংকু অংকুৰ বৰুৱাৰ । বৰ্তমানৰ কংগ্ৰেছৰ অৱস্থাৰ কথা উল্লেখ কৰি বৰুৱাই কয়, ‘‘কংগ্রেছ এতিয়া অচল মুদ্ৰা ৷ ৰাইজে ইতিমধ্যে প্ৰত্যাখান কৰিছে কংগ্ৰেছক ৷’’

আনহাতে কংগ্ৰেছে এইবাৰ জয়ী হ’ব বুলি কৰা দাবীক এক প্ৰকাৰ নস্যাৎ কৰি বৰুৱাই কয়, ‘‘কংগ্ৰেছৰ পক্ষত কেৱল সন্দেহজনক লোকেহে ভোট দিব ৷ কেইজনমান লোকৰ বাদে কোনেও ভোট নিদিয়ে ৷ খিলঞ্জীয়া লোকেহে বিজেপিক ভোট দিয়ে ৷’’

‘‘ইফালে আগন্তুক লোকসভা নিৰ্বাচনত যোৰহাট লোকসভা সমষ্টিৰ পৰা গৌৰৱ গগৈয়ে প্ৰতিদ্বন্দিতা আগবঢ়ালে বিজেপিৰ জয় নিশ্চিত হ’ব ৷ বৰ্তমান নগাঁৱত ৰকিবুল হুছেইনৰ ভেটি নাই ৷ প্ৰদ্যুৎ বৰদলৈক মানুহে পাহৰিছে ৷’’ এই মন্তব্য বিজেপি যুৱ মৰ্চাৰ ৰাজ্যিক সভাপতি গৰাকীৰ ৷

লগতে পঢ়ক:Road Accident at Kaliabor: ট্ৰাকৰ খুন্দাত চুচুৰ্মৈ ছুইফ্ট