Tea labor protest : প্ৰাপ্য মজুৰিৰ দাবীত ডিপ্লিং চাহ বাগিচাত চাহ শ্ৰমিকৰ প্ৰতিবাদ

ৰাজ্যৰ মুখ্যমন্ত্ৰী হিমন্ত বিশ্ব শৰ্মা (CM Himanta Biswa Sarma) নেতৃত্বাধীন চৰকাৰে চাহ বাগিচা শ্ৰমিকৰ প্ৰতিটো সমস্যা সমাধানৰ প্ৰতিশ্ৰুতি প্ৰদান কৰা লগতে বহু অভিলাষী আঁচনি ঘোষণা কৰি আহিছে ৷ কিন্তু ইমানৰ পাচতো বহু চাহ শ্ৰমিকে আজিও প্ৰাপ্য অধিকাৰ বিচাৰি হাবাথুৰি খাব লগা হৈছে ৷ প্ৰাপ্য অধিকাৰ বিচাৰি সোমবাৰে ডিপ্লিং চাহ বাগিচাত তিনি ঘন্টা ধৰি প্ৰতিবাদ সাব্যস্ত কৰে চাহ শ্ৰমিকসকলে (Tea labor protest) ৷ দীৰ্ঘদিন ধৰি অনাদায় হৈ থকা শ্ৰমিকৰ বকেয়া তথা ভৱিষ্য নিধিৰ ধন শীঘ্ৰে মোকলাই দিয়াৰ দাবীত সোমবাৰে তিনিঘণ্টীয়া ধৰ্ণা কাৰ্যসূচী পালন কৰে ডিপ্লিং চাহ বাগিচাৰ শ্ৰমিকসকলে ৷ ডিপ্লিং আৰু ডুৰিবাম চাহ মজদুৰ ইউনিয়ন আৰু শ্ৰমিকৰ সহযোগত অসম চাহ মজদুৰ সংঘৰ সোণাৰি শাখাৰ উদ্যোগত এই প্ৰতিবাদী কাৰ্যসূচী গ্ৰহণ কৰা হয় (Tea labor protest at Deepling tea estate)৷ ইফালে অসম চাহ নিগমৰ অধীনস্থ ডিপ্লিং চাহ বাগিচাক লীজত দিয়াৰো বিৰোধিতা কৰে প্ৰতিবাদী চাহ শ্ৰমিকসকলে ৷ দীৰ্ঘদিনে মোকলাই নিদিয়া ভৱিষ্য নিধিৰ ধন অতি সোনকালে মোকলাই নিদিলে ব্যাপক জংগী আন্দোলন কৰাৰ হুংকাৰ প্ৰদান কৰে চাহ শ্ৰমিকসকলে ৷