జోరా పబ్​పై నార్కోటిక్స్ దాడులు - 11 మందిని అదుపులోకి తీసుకున్న పోలీసులు

Drugs Case In Jubilee Hills :హైదరాబాద్ జూబ్లీహిల్స్‌లో మరోసారి మాదకద్రవ్యాలు కలకలం రేపాయి. జోరా పబ్‌లో నార్కోటిక్ బ్యూరో పోలీసులు తనిఖీలు నిర్వహించారు. అనుమానం వచ్చిన పోలీసులు పబ్‌లో ఉన్న వారు మాదకద్రవ్యాలు స్వీకరించారా? లేదా తేల్చేందుకు ప్రత్యేక పరికరాలతో పరీక్షలు చేశారు. పబ్‌లోని 11 మందికి పాజిటివ్‌గా తేలడంతో, డ్రగ్స్‌ స్వీకరించినట్టు పోలీసులు గుర్తించారు. వారందరినీ అదుపులోకి తీసుకున్నారు. పబ్‌లో జరిగిన ఈవెంట్‌లో వీరంతా మత్తు పదార్ధాలు స్వీకరించినట్టు అనుమానిస్తున్నారు. మాదకద్రవ్యాలను ఎవరు పబ్‌లోకి తీసుకువచ్చారు, దీని వెనుక ఎవరున్నారు అనే కోణంలో విచారణ సాగిస్తున్నారు.