మెట్రోలో రూ.59లకే రోజంతా ప్రయాణం - ఈ ఆఫర్​ను పొడిగించేనా ?

Metro Super Saver Holiday Card Ends on September 29th : సెలవురోజుల్లో మెట్రోరైల్లో 59 రూపాయలకే సూపర్‌ సేవర్‌ హాలిడే కార్డు ద్వారా రోజంతా చేసే ప్రయాణానికి ప్రయాణికులు నుంచి మంచి స్పందన ఉంది. ఈ నెల 28, 29వ తేదీతో ఈ పథకం ముగుస్తుంది. దీంతో ఎల్‌ అండ్‌ టీ మెట్రోరైలు సంస్థ హాలిడే కార్డును పొడిగిస్తుందా? లేదా? అనేది చూడాలి. గతంలో బతుకమ్మ పండగరోజు ఈ పథకాన్ని ప్రారంభించారు. ఒకటి రెండుసార్లు కూడా పొడిగించారు.

మరి ఈసారి కూడా ఈ పథకాన్ని పొడిగించాలని ప్రయాణికులు కోరుతున్నారు. ఇటీవల మెట్రోలో ప్రయాణికుల కోటిన్నరకు చేరింది. రెండు కోట్లకు చేరుకోవాలనేది మెట్రో లక్ష్యం. అందుకు మరింత కాలం సూపర్‌ సేవర్‌ హాలిడే కార్డు ఆఫర్‌ను పొడిగించడంతో పాటు ఉద్యోగులకు, విద్యార్థులకు నెలవారీ పాసులు ఇవ్వాలి కోరతున్నారు.