How To Make Hotel Style Mysore Bonda: బ్రేక్ఫాస్ట్, సాయంత్రం స్నాక్స్లో ఎక్కువ మంది ఇష్టపడే పదార్థాలో మైసూర్ బోండా ఒకటి. బయట హోటల్స్కు వెళ్లినప్పుడు వీటిని తింటుంటారు. అయితే.. అక్కడ తిన్నప్పుడు అవి ఎంతో టేస్టీగా, సాఫ్ట్గా, ఫ్లఫ్పీగా అనిపిస్తాయి. కానీ, మనం ఇంటి వద్ద ప్రిపేర్ చేసుకుంటే మాత్రం తేడా కొట్టేస్తుంది. ఇక అలాంటి ఇబ్బంది లేకుండా.. ఇలా చేస్తే బయట హోటల్ కంటే కూడా టేస్టీగా, పర్ఫెక్ట్ షేప్తో ఇంట్లోనే చేసుకోవచ్చు. మరి, ఎలా ప్రిపేర్ చేసుకోవాలో ఇప్పుడు తెలుసుకుందాం.
కావాల్సిన పదార్థాలు..
- ఒక కప్పు పుల్లటి పెరుగు
- రుచికిసరిపడా ఉప్పు
- ఒక టేబుల్ స్పూన్ నూనె
- ఒక టీ స్పూన్ వంట సోడా
- ఒక కప్పు మైదా పిండి
- ఒక టేబుల్ స్పూన్ జీలకర్ర
- ఒక టేబుల్ స్పూన్ కరివేపాకు
- అర టేబుల్ స్పూన్ అల్లం
- ఒక టేబుల్ స్పూన్ పచ్చిమిర్చి తరుగు
తయారీ విధానం
- ముందుగా ఓ గిన్నెలో పుల్లటి పెరుగు తీసుకుని సుమారు 10 నిమిషాలపాటు బాగా కలపాలి.
- ఆ తర్వాత ఇందులోకి ఉప్పు, వంట సోడా, నూనె పోసి 3 నిమిషాలు కలపాలి.
- ఇందులోనే మైదా పిండిని పోసి వేడి నీళ్లను కలుపుతూ పిండిని బాగా మిక్స్ చేసుకోవాలి. (పిండి మరీ లూజ్గా మారితే బోండాలు మంచిగా రావు. మైదా పిండి వద్దనుకునే వారు గోధుమ పిండితోనూ చేసుకోవచ్చు)
- ఇలా కలిపిన పిండిని కిందకి పైకి కొడుతూ సుమారు 5 నిమిషాలు బీట్ చేసుకోవాలి.(ఇందువల్ల లోపల బబుల్స్ ఫామ్ అయ్యి బోండాలు ఫ్లఫ్పీగా వస్తాయి. కలిపే విధానం వల్ల బోండా టేస్ట్, షేప్ వస్తుంది)
- ఆ తర్వాత జీలకర్ర, కరివేపాకు, అల్లం, పచ్చిమిర్చి వేసుకుని అన్ని బాగా కలిసేలా మిక్స్ చేసుకోవాలి. (అల్లం, పచ్చిమిర్చి నోటికి తగలకూడదు అనుకుంటే కచ్చాపచ్చగా దంచుకుని వేసుకోవచ్చు)
- ఈ మిశ్రమంపై వస్త్రం లేదా మూత పెట్టి సుమారు గంట వరకు నానబెట్టుకోవాలి. (ఎంత సేపు నానబెడితే బోండాలు అంత బాగా వస్తాయి)
- గంట తర్వాత స్టౌ ఆన్ చేసుకుని కడాయి పెట్టుకుని నూనె పోసి వేడిచేసుకోవాలి.
- ఇప్పుడు పిండిని కదపకుండా ఓ పక్క నుంచి తీసుకుని వేడిగా ఉన్న నూనెలో మెల్లగా వేసుకోవాలి.(పిండి చేతికి అంటుకుంటుంది అనుకుంటే కొద్దిగా చేతిని నీటితో తడి చేసుకోండి)
- స్టౌ మీడియం ఫ్లేమ్లో పెట్టుకుని రెండు వైపులా ఎర్రగా అయ్యేవరకు కాల్చుకోవాలి.
- ఇప్పుడు టిష్యూ ఉన్న గిన్నెలో వేసుకుంటే నూనెను పీల్చుకుంటుంది.
- ఆ తర్వాత వీటిిని పల్లీ చట్నీ, టమాటా చట్నీలో తింటే సూపర్గా ఉంటాయి.
గోధుమ పిండితో బాదుషా! - రుచి, ఆరోగ్యం ఒకేసారి - ఈ పండక్కి ఇలా తయారు చేయండి - Wheat Flour Badusha Recipe at Home
సండే స్పెషల్: నాటుకోళ్లు దొరకడం లేదా? - ఈ పద్ధతిలో వండితే బ్రాయిలర్ చికెన్తోనే నాటుకోడి రుచి! - How to Prepare Chicken Curry
