How to Prepare Egg Keema Masala: కీమా అనగానే చాలా మందికి మటన్, చికెన్ కీమానే గుర్తుకు వస్తుంది. కానీ కోడి గుడ్లతో కీమా అద్దిరిపోతుంది. దాబాల్లో ఈ రెసిపీ ఎక్కువగా కనిపిస్తుంది. టేస్ట్ అమోఘంగా ఉంటుంది. పులావ్, చపాతీ, రోటీ, అన్నం ఇలా ఎందులోకైనా పర్ఫెక్ట్గా సెట్ అవ్వుద్ది. మరి, ఈ ఎగ్ కీమా మసాలా కర్రీని ఎలా తయారు చేస్తారు? ఇందుకు కావాల్సిన పదార్థాలు ఏంటో ఈ స్టోరీలో తెలుసుకుందాం..
కావాల్సిన పదార్థాలు:
- కోడిగుడ్లు - 4
- నూనె - 3 టేబుల్ స్పూన్లు
- జీలకర్ర - 1 టీ స్పూన్
- ఉల్లిపాయలు - 2
- పచ్చిమిర్చి - 4
- అల్లం వెల్లుల్లి పేస్ట్ - 1 టీ స్పూన్
- పసుపు - పావు టీ స్పూన్
- టమాటలు - 2 (మీడియం సైజ్)
- ఉప్పు - రుచికి సరిపడా
- వేయించిన జీలకర్ర పొడి - అర టీ స్పూన్
- కారం - 1 టీ స్పూన్
- గరం మసాలా - అర టీ స్పూన్
- మిరియాల పొడి - పావు టీ స్పూన్
- ధనియాల పొడి - అర టీ స్పూన్
- క్యాప్సికం - 1
- నీరు - అర కప్పు
- కొత్తిమీర తురుము - కొద్దిగా
- అల్లం తరుగు - 1 టీ స్పూన్
- పచ్చిమిర్చి తరుగు - 1 టీస్పూన్
- నిమ్మరసం - అర చెక్క
- బటర్ లేదా నెయ్యి - 1 టేబుల్ స్పూన్
ఫ్లఫ్పీ ఆమ్లెట్ : ఇతర పదార్థాలేమీ అవసరం లేదు - పెద్ద సైజ్ బన్లాగా పొంగుతుంది - ఇలా ప్రిపేర్ చేయండి!
తయారీ విధానం:
- ముందుగా కోడిగుడ్లను ఉడికించి పొట్టు తీసి పక్కకు పెట్టుకోవాలి.
- అలాగే ఉల్లిపాయ, పచ్చిమిర్చి, క్యాప్సికం, టమాట ముక్కలను సన్నగా కట్ చేసుకోవాలి.
- ఇప్పుడు స్టవ్ ఆన్ చేసి పాన్ పెట్టి నూనె వేడి చేసుకోవాలి. నూనె బాగా వేడెక్కిన తర్వాత జీలకర్ర వేసి చిటపటలాడించుకోవాలి.
- ఆ తర్వాత ఉల్లిపాయ తరుగు, పచ్చిమిర్చి తరుగు వేసి హై ఫ్లేమ్ మీద ఫ్రై చేసుకోవాలి.
- ఉల్లిపాయలు పచ్చివాసన పోయి లైట్ గోల్డెన్ బ్రౌన్ కలర్ వచ్చిన తర్వాత అల్లం, వెల్లుల్లి పేస్ట్ వేసి పచ్చి వాసన పోయేంతవరకు వేయించుకోవాలి. ఆ తర్వాత పసుపు వేసి వేయించుకోవాలి.
- ఆ తర్వాత టమాటా తరుగు వేసి కలుపుకోవాలి. అనంతరం ఉప్పు, వేయించిన జీలకర్ర పొడి, కారం, గరం మసాలా, మిరియాల పొడి, ధనియాల పొడి వేసి టమాట ముక్కల నుంచి స్కిన్ సెపరేట్ అయ్యే వరకు కలుపుతూ మగ్గించుకోవాలి.
- టమాటా ముక్కలు మగ్గి నూనె పైకి తేలిన తర్వాత క్యాప్సికం ముక్కలు వేసి ఓ రెండు నిమిషాలు వేయించుకోవాలి.
- ఆ తర్వాత అరకప్పు వాటర్ పోసి హై-ఫ్లేమ్ మీద కూర దగ్గర పడే వరకు ఉడికించుకోవాలి.
- నీరు సగానికి అయిన తర్వాత ఉడికించిన కోడిగుడ్లను పెద్ద రంధ్రాలు ఉన్న గ్రేటర్ సాయంతో కూరలో తురుముకోవాలి. ఆ తర్వాత కొత్తిమీర చల్లి మరో సారి కలుపుకోవాలి.
- ఆ తర్వాత అల్లం తరుగు, పచ్చిమిర్చి ముక్కలు, నిమ్మరసం, నెయ్యి వేసి బాగా కలిపి ఉప్పు రుచి చూసి దింపేసుకుంటే సరి. ఎంతో టేస్టీగా ఉండే ఎగ్ కీమా మసాలా రెడీ.
నోటికి ఏమీ రుచించకపోతే - ఈ "కోడిగుడ్డు వెల్లుల్లి కారం" టేస్ట్ చేయండి - కచ్చితంగా ఫిదా అయిపోతారు!
కోడిగుడ్డు పులుసు ఇలా కదా ప్రిపేర్ చేసేది! - టేస్ట్ వేరే లెవల్
ఎగ్ దోశ చేయడం ఇప్పుడు చాలా ఈజీ - ఈ టిప్స్ పాటించండి - టేస్ట్ ఎంజాయ్ చేయండి!
