ముగిసిన జానీ మాస్టర్ 4 రోజుల పోలీస్ కస్టడీ - చంచల్‌గూడ జైలుకు తరలింపు

Jani Master Custody Ends Today : అసిస్టెంట్ కొరియోగ్రాఫర్​పై అత్యాచారం, లైంగిక వేధింపుల కేసులో అరెస్టయిన ప్రముఖ డ్యాన్స్​ మాస్టర్​ జానీ కస్టడీ ముగిసింది. ఈ కేసులో జానీ మాస్టర్​ను నార్సింగి పోలీసులు నాలుగు రోజుల పాటు విచారించారు. అనంతరం పోలీసు స్టేషన్‌ నుంచి ఉప్పరపల్లి కోర్టుకు తరలించారు. కోర్టులో హాజరుపరిచిన అనంతరం చంచల్‌గూడ జైలుకు తరలించారు. తనపై అత్యాచారానికి పాల్పడ్డారంటూ ఓ అసిస్టెంట్‌ మహిళా కొరియోగ్రాఫర్‌ ఫిర్యాదు మేరకు పోలీసులు కేసు నమోదు చేసి జానీ మాస్టర్​ను అరెస్టు చేసిన విషయం తెలిసిందే.