ప్రేమించిన యువతి నో చెప్పిందని - పురుగుల మందు తాగి యువకుడి ఆత్మహత్య

Young Man Suicide: ప్రేమించిన యువతి తిరస్కరించిందని ఓ యువకుడు పురుగుల మందు తాగిన ఘటన నిజామాబాద్​ జిల్లాలో చోటు చేసుకుంది. సిర్నాపల్లికి చెందిన హోన్నాజీపేట్‌ అజయ్‌ (21) హైదరాబాద్‌లో హోటల్‌ మేనేజ్‌మెంట్‌ చదివి ఉద్యోగానికి ప్రయత్నిస్తున్నాడు. ఈ క్రమంలో పరిచయమైన ఓ యువతిని ప్రేమించాడు. కానీ ఆ యువతి అజయ్​ ప్రతిపాదనను సున్నితంగా తిరస్కరించింది. దీంతో తీవ్ర మనస్తాపానికి గురైన అజయ్‌, ఈ నెల 10వ తేదీన ఇంట్లో పురుగుల మందు తాగుతూ వీడియో తీసి యువతికి పంపించాడు. ఈ విషయం ఇంట్లో చెప్పలేదు.

తరచూ వాంతులు చేసుకోవడంతో కుటుంబసభ్యులు చికిత్స కోసం 13న మండల కేంద్రంలోని దవాఖానాకు, అక్కడి నుంచి జిల్లా ఆసుపత్రికి తరలించారు. 14న అజయ్‌ సెల్​ఫోన్​ను సోదరి చూడగా, విషయం తెలిసింది. చికిత్స పొందుతూ అజయ్‌ 24న మృతి చెందగా, ఘటనపై కుటుంబ సభ్యులు 25న స్థానిక పోలీస్​స్టేషన్​లో ఫిర్యాదు చేశారు.