గాజాపై ఇజ్రాయెల్ మరోసారి వైమానిక దాడులు- 36మంది పౌరులు మృతి

Israel Attack On Gaza :ఇజ్రాయెల్‌ వరుస దాడులు వల్ల పాలస్తీనా పౌరులు ప్రాణాలను కోల్పోతున్నారు. శనివారం గాజాలో ఇజ్రాయెల్‌ జరిపిన రెండు వేర్వేరు వైమానిక దాడుల్లో 36 మంది పాలస్తీనియన్లు మృతి చెందారు. గాజా సిటీలోని పురాతనమైన ఆల్‌-షాతి శిబిరంపై జరిపిన దాడిలో 24 మంది ప్రాణాలు కోల్పోగా, మిగిలిన వారు ఆల్‌ తుఫా జిల్లాలో మరణించారు. ఆల్‌షాతిపై ఇజ్రాయెల్‌ దళాలు దాడి జరపడం ఇదే మొదటిసారి కాదు. గతంలోనూ ఈ శిబిరంపై అనేక సార్లు దాడులు జరిపారు. ఆ ప్రాంతాల్లో పరిస్థితి భయానకంగా ఉంది. గాయపడిన వారిని తరలిస్తున్న దృశ్యాలకు సంబంధించిన వీడియోలు బయటకు వచ్చాయి. శిథిలాల కింద మృతుల కోసం సహాయక బృందాలు వెతుకుతున్నాయి. ఇజ్రాయెల్‌ సైన్యం మాత్రం తాము హమాస్‌ సైనిక నిర్మాణాలపై దాడులు చేశామని తెలిపింది.