పోలీసులతో నివేదా పేతురాజ్ గొడవ - అసలు విషయం ఇది

Niveda Pethuraj Police Controversy Video : మెంటల్‌ మదిలో సినిమాతో టాలీవుడ్ ప్రేక్షకులకు పరిచయమైన హీరోయిన్ నివేదా పేతురాజ్‌ ఆ తర్వాత రెడ్, పాగల్, దాస్ కా దమ్కీ సహా పలు సినిమాలు వరుసగా చేసి మంచి గుర్తింపు తెచ్చుకుంది. ప్రస్తుతం ఈ భామ తన కారును ఆపిన పోలీసులతో గొడవ పడినట్లు నెట్టింట్లో వీడియో వైరల్ అవుతోంది. కారు డిక్కీ ఓపెన్‌ చేయాలని పోలీసులు కోరగా పరువుకు సంబంధించిన విషయం అంటూ వారితో వివాదానికి దిగింది. తాజాగా దీని వెనక గల మిస్టరీ బయట పడింది. ఇదంతా కూడా తన కొత్త సినిమా కోసం చేసిన ప్రమోషన్ స్టంట్ అని తెలిసిపోయింది. జీ 5 ఓటిటిలో స్ట్రీమింగ్ కానున్న పరువు సినిమా ప్రీమియర్స్ జూన్ 14న వేయనున్నట్లు తెలుపుతూ మేకర్స్ ఓ వీడియోను రిలీజ్ చేశారు. పరువు ప్రమోషన్స్ కోసమే నివేదా ఇలా ప్రవర్తించినట్లు మేకర్స్ క్లారిటీ ఇచ్చారు.