యంగ్ హీరోయిన్​కు 'మెగా' ఛాన్స్‌ - విశ్వంభరలో మరో ముద్దుగుమ్మ ఎవరంటే?

Mega 156 Ashika Ranganath :యంగ్‌ హీరోయిన్‌ ఆషికా రంగనాథ్‌ మరో బంపర్‌ ఆఫర్‌ అందుకుంది. మెగాస్టార్ చిరంజీవి హీరోగా వశిష్ఠ దర్శకత్వంలో తెరకెక్కుతున్న విశ్వంభరలో ఛాన్స్ దక్కించుకుంది. ఈ విషయాన్ని వెల్లడిస్తూ నిర్మాణ సంస్థ సోషల్‌ మీడియాలో పోస్ట్‌ చేసింది. కాగా, అమిగోస్‌ చిత్రంతో తెలుగు తెరకు పరిచయమైన ఆషిక ఆ తర్వాత నాగార్జున సరసన నా సామిరంగలో నటించింది. ఇప్పుడు మూడో సినిమానే మెగాస్టార్‌తో చేసేందుకు రెడీ అవ్వడంతో ఆమె ఫ్యాన్స్ ఆనందం వ్యక్తం చేస్తున్నారు. ఇకపోతే ఇప్పటికే ఈ ప్రాజెక్ట్‌లో స్టార్‌ హీరోయిన్‌ త్రిష ఉండగా త్వరలోనే సురభి, ఇషా చావ్లా, మీనాక్షి చౌదరి పేర్లను ప్రకటించే అవకాశం ఉన్నట్లు తెలుస్తోంది. సోషియో ఫాంటసీగా రూపొందున్న ఈ సినిమాను రూ.200 కోట్ల భారీ బడ్జెట్‌తో నిర్మిస్తున్నారు.