అది దృష్టిలో పెట్టుకొనే 'కల్కి' చేశాను : నాగ్ అశ్విన్
Published : Jun 15, 2024, 12:35 PM IST
Kalki 2898AD NagAshwin : కల్కి కోసం అగ్రనటీనటులతో కలిసి పనిచేయడంపై ఆసక్తికర కామెంట్స్‌ చేశారు దర్శకుడు నాగ్అశ్విన్. " అంత పెద్ద స్టార్స్ను డైరెక్ట్‌ చేయడం మాములు విషయం కాదు. నేను డైరెక్షన్‌లోకి వచ్చి తక్కువకాలమే అయింది. అమితాబ్, కమల్‌ లాంటి వారు నాలుగు దశాబ్దాలకుపైగా ఇండస్ట్రీలో ఉన్నారు. గొప్ప యాక్టర్స్. వారికి సీన్స్ వివరించడం సిల్లీగా అనిపించింది. ఈ మూవీ కోసం ఫస్ట్ సీన్ను అమితాబ్‌తో చేశా. ఇందులో ఆయనకు మంచి యాక్షన్ సన్నివేశాలు ఉన్నాయి. అమితాబ్, కమల్‌ ఎంత ఎత్తుకు ఎదిగినా నేర్చుకుంటూనే ఉంటారు. ప్రభాస్, దీపికాకు ఉన్న స్టార్‌డమ్‌ను దృష్టిలో పెట్టుకొని వాళ్ల సీన్స్ తీశాను. 12 ఏళ్ల పిల్లలు కూడా ఇష్టపడేలా తీశాను. సినిమాలో ఎలాంటి వెహికల్స్ వాడాలనే విషయంపై ఎన్నో రోజులు ఆలోచించాను. మనుషులు మాస్క్‌లు పెట్టుకోవడం, ఆక్సిజన్‌ సిలిండర్లు ఉపయోగించడం వంటివి నిజంగా జరుగుతున్నవే’ అని అన్నారు.