భక్తుల వెహికల్​ను ఢీకొన్న ట్రక్కు- 8 మంది స్పాట్ డెడ్

Haryana Road Accident News Today : హరియాణాలోని జింద్ జిల్లాలో భక్తులతో రోడ్డు పక్క ఆగి ఉన్న వాహనాన్ని ట్రక్కు ఢీకొనడం వల్ల ఎనిమిది మంది మృతి చెందారు. మరో పది మంది గాయపడ్డారు. హిస్సార్ జాతీయ రహదారిపై బిధరానా గ్రామంలో సోమవారం అర్ధరాత్రి ఈ ప్రమాదం జరిగింది. సమచారం అందుకున్న పోలీసులు, అధికారులు ఘటనాస్థలికి చేరుకుని, క్షతగాత్రులను ఆస్పత్రులకు తరలించారు. బాధితులంతా కురుక్షేత్ర జిల్లా నుంచి రాజస్థాన్‌లోని ఆ ఆలయానికి వెళ్తుండగా ప్రమాదం జరిగినట్లు పోలీసులు తెలిపారు. ఇద్దరు మహిళలు సహా ఎనిమిది మంది మరణించినట్లు వెల్లడించారు. కేసు నమోదు చేసి దర్యాప్తు ప్రారంభించినట్లు పేర్కొన్నారు.