LIVE : హైదరాబాద్​​లో ఘనంగా బతుకమ్మ సంబురాలు - Bathukamma Celebrations Hyderabad - BATHUKAMMA CELEBRATIONS HYDERABAD

Bathukamma Celebrations in 2024 LIVE : సద్దుల బతుకమ్మ వేడుకలు హైదరాబాద్‌లో ఘనంగా జరుగుతున్నాయి. నెక్లెస్ రోడ్​లో నిర్వహించిన బతుకమ్మ వేడుకలకు మంత్రులు కొండా సురేఖ, సీతక్కలు పాల్గొన్నారు. బతుకమ్మ వేడుకల్లో భారీ సంఖ్యలో మహిళలు పాల్గొన్నారు. రాష్ట్ర పర్యాటక, సాంస్కృతిక శాఖలు, జీహెచ్ఎంసీలు సద్దుల బతుకమ్మ ఉత్సవాలకు ఏర్పాట్లు చేశాయి. ప్రకృతిని, పువ్వులను దేవతలుగా కొలుస్తూ తొమ్మిది రోజులపాటు కొనసాగే బతుకమ్మ సంబరాలు మొదలయ్యాయి. తెలంగాణలో మహిళలకు మహా ఇష్టమైన పండుగ బతుకమ్మ వేడుక. ఆదిపరాశక్తిని అరవిరిసిన సుమాల్లో దర్శిస్తూ, పాటలతో ప్రస్తుతిస్తూ పరవశించిపోతారు. 9 రోజుల ఈ వేడుకలో తంగేడు, జిల్లేడు, గునుగు, బంతి, చేమంతి ఇలా ఎన్నెన్నో కుసుమాలు ఈ పండుగ కోసమే పూశాయా అనిపిస్తాయి. బతుకమ్మ పండుగను ఆధ్యాత్మిక సాధకులు సామూహిక 'శక్తి ఉపాసన'గా, ఆత్మచైతన్యానికి మేల్కొలుపుగా భావిస్తారు. బతికించే అమ్మ' అనే ఆరాధనా భావంతో అమ్మవారికి నీరాజనాలు అర్పించటం బతుకమ్మ పండుగలో అంతరార్థం. ఆరోగ్యకర జీవనం, ఆధ్యాత్మిక ఉన్నతి కోసం అమ్మను వేడుకోవటం ఆనవాయితీ. శరత్కాల నవరాత్రుల్లో సకల జనావళి జగనాత్మను పూజించి తరించాలని దేవీపురాణం ఉద్ఘాటిస్తోంది.