LIVE : మహబూబ్‌నగర్‌ వాసవి డిగ్రీ కళాశాలలో ఈనాడు ముగ్గుల పోటీలు - RANGOLI CONTEST IN MAHABUBNAGAR

Rangoli Contest at Vasavi Degree College Today Live : సంస్కృతి, సంప్రదాయాలను గుర్తు చేసేలా సంక్రాంతి పండుగను పురస్కరించుకొని ఈనాడు, ఈటీవీ ఆధ్వర్యంలో నిర్వహిస్తున్న ముగ్గుల పోటీలకు విశేష స్పందన వస్తోంది. పలు కళాశాలకు చెందిన విద్యార్థినిలు అధిక సంఖ్యలో పోటీల్లో ఉత్సాహంగా పాల్లొని అందమైన రంగవల్లులు తీర్చిదిద్దారు. సూర్యాపేట జిల్లా కోదాడలోని కిట్స్ ఇంజనీరింగ్ కళాశాలో నిర్వహించిన ముగ్గుల పోటీల్లో 110 మంది విద్యార్థినిలు పాల్గొని  వివిధ రకాల ముగ్గులు వేశారు. విజేతలుగా నిలిచిన వారు ఈనెల 10న ఉమ్మడి నల్గొండ స్థాయిలో జరిగే పోటీలకు అర్హత సాధించారు. నల్గొండలోని గురుకుల మహిళా డిగ్రీ కళాశాలలో బాపూ బొమ్మలు- ముత్యాల ముగ్గులు పేరిట నిర్వహించిన పోటీల్లో విద్యార్థినిలు ఉత్సాహంగా పాల్గొని రంగు రంగుల ముగ్గులను వేశారు. తాజాగా మహబూబ్‌నగర్ వాసవి డిగ్రీ కళాశాలలో ఈనాడు ముగ్గుల పోటీలు జరుగుతున్నాయి. ఇప్పుడు ప్రత్యక్ష ప్రసారంలో ఆ ముగ్గుల పోటీలను తిలకిద్దాం.