బాలానగర్​లో గంజాయి చాక్లెట్లను విక్రయిస్తున్న వ్యక్తి అరెస్ట్​ - ganja chocolates case in balanagar

Police Caught Man Selling Ganja Chocolates in Balanagar : హైదరాబాద్​లో గంజాయి చాక్లెట్లను విక్రయిస్తున్న వ్యక్తి బాలానగర్​ ఎస్వోటీ పోలీసులు అరెస్టు చేశారు. ఒడిశాకు చెందిన అనంత్ కూమార్​ బరాటే (38) అనే వ్యక్తిని బాలానగర్​లోని పారిశ్రామికవాడలోన ఘర్​ ఖాంటా వద్ద చిన్న కిరాణా షాపు నిర్వహిస్తున్నాడు. అక్కడ విద్యార్థులకు, కూలీలకు విక్రయిస్తున్నాడనే పక్కా సమాచారంలో పోలీసులు వెళ్లి తనిఖీ చేశారు. దీంతో గంజాయి చాక్లెట్లు బయటపడ్డాయి. అతని షాపులో, బైక్​ సీట్​లో మొత్తం కలిపి 140 గంజాయి చాక్లెట్లను పోలీసులు స్వాధీనం చేసుకున్నారు. కేసు నమోదు చేసుకుని అనంత్​ కుమార్​ను రిమాండ్​కు తరలించారు.  

ఈ మధ్య కాలంలో గంజాయి చాక్లెట్లు అధికంగా పట్టుబడుతున్నాయి. పోలీసుల తనిఖీలు పెంచడంతో ఈ మాదిరిగా విక్రయాలు చేస్తున్నారు. ముఖ్యంగా వీటికి విద్యార్థులు బానిసలుగా మారడంతో తల్లిదండ్రులు ఆందోళన వ్యక్తం చేస్తున్నారు. నగరంలో ఇలాంటి చర్యలు పాల్పకు పాల్పడవద్దని పోలీసులు హెచ్చరించారు. గంజాయి సరఫరపైన ఎప్పుడు వాళ్ల నిఘా ఉంటుందని పేర్కొన్నారు.