LIVE రాజంపేటలో నారా లోకేశ్ యువగళం సభ - ప్రత్యక్ష ప్రసారం - NARA LOKESH ELECTION CAMPAIGN - NARA LOKESH ELECTION CAMPAIGN

NARA LOKESH ELECTION CAMPAIGN: నారా లోకేశ్ ఎన్నికల ప్రచారం ఆంధ్రప్రదేశ్​లో కొనసాగుతోంది. శుక్రవారం నంద్యాలలో లోకేశ్ పర్యటించారు.  ఈసారి ఎన్నికల్లో 40 లక్షల మంది తొలిసారి ఓటేయబోతున్నారని, ‘యువ’ తీర్పుతోనే రాష్ట్ర భవిష్యత్తు ఆధారపడి ఉందని అన్నారు. కూటమి అభ్యర్థులను గెలిపించి అభివృద్ధికి బాటలు వేయాలని పిలుపునిచ్చారు. ప్రజా ప్రభుత్వం అధికారంలోకి వచ్చాక తొలి సంతకం డీఎస్సీ ప్రకటనపైనే ఉంటుందని చెప్పారు. యూనిఫైడ్‌ పోర్టల్‌, ఉద్యోగ ప్రకటన తెస్తామని, ప్యూన్‌ నుంచి గ్రూప్‌-1 వరకు సింగిల్‌ నోటిఫికేషన్‌తో క్యాలెండర్‌ ఇస్తామన్నారు. ఖాళీగా ఉన్న ఉద్యోగాల్ని ఐదేళ్లలో భర్తీ చేస్తామని భరోసా ఇచ్చారు. యువత కలలకు రెక్కలు తొడుగుతామని  నారా లోకేశ్‌ యువతరానికి భరోసా ఇచ్చారు. ప్రజా ఆకాంక్షలకు అనుగుణంగానే కూటమి మ్యానిఫెస్టో తయారైందని అన్నారు. కర్నూలు జిల్లాలో ఓర్వకల్లు ఎయిర్‌పోర్టు, జైన్‌ ఇరిగేషన్‌, మెగా సీడ్‌ పార్కు, సోలార్‌ పవర్‌, ఉర్దూ యూనివర్సిటీ టీడీపీ తెచ్చిందని గుర్తు చేశారు. జగన్‌ మూడు ముక్కలాటతో రాష్ట్రాన్ని సర్వనాశనం చేశారని విమర్శించారు. నేడు అన్నమయ్య జిల్లాలో లోకేశ్ పర్యటిస్తున్నారు. సాయంత్రం రాజంపేటలో యువతతో ముఖాముఖి నిర్వహిస్తారు. రేపు ఏలూరు, 6న విజయనగరం, 7న శ్రీకాకుళంలో లోకేశ్ సభలు ఉండనున్నాయి. ప్రస్తుతం అన్నమయ్య జిల్లా రాజంపేటలో నారా లోకేశ్ యువగళం సభలో ప్రసంగిస్తున్నారు. ప్రత్యక్ష ప్రసారం.