ప్రభుత్వ ఉద్యోగం ఇప్పిస్తానని మోసం - న్యాయం చేయాలని బాధితులు ఆవేదన - Job Fraud Case in Hyderabad - JOB FRAUD CASE IN HYDERABAD

Job Fraud in Hyderabad : భాగ్యనగరంలో ఉద్యోగాల పేరిట మోసం చేసేవాళ్లు ఎక్కువగా ఉన్నారని పోలీసులు అవగాహన కల్పిస్తున్న ఆ ఘటనలు జరుగుతూనే ఉన్నాయి. తెలియని వ్యక్తి జాబ్​ ఇస్తానని చెబితే ఏమి ఆలోచించకుండా డబ్బులు ఇచ్చి నిరుద్యోగులు మోసపోతున్నారు. తాజాగా నగరంలో సుమారు 50 మంది నిరుద్యోగులు ఓ వ్యక్తి మాయ మాటలు విని మోసపోయారు. 

పోలీసులు తెలిపిన వివరాల ప్రకారం కొంపల్లికి చెందిన కేతావత్​ సంతోశ్​ ఇండియన్​ ఎయిర్​పోర్స్​లో ఉద్యోగాలు ఇప్పిస్తానని సుమారు 50 మంది నిరుద్యోగుల దగ్గర నుంచి రెండు కోట్లు వరకు తీసుకున్నాడు. వారికి నకిలీ హాల్​టికెట్లు, సర్టిఫికెట్లు ఇచ్చి ఒక్కో బాధితుడి దగ్గర రూ.6 లక్షలు వసూలు చేశాడు. జాయినింగ్​ అర్డర్​ తేదీ వచ్చే సరికి సంతోశ్​ కనిపించే సరికి మోసపోయామని బాధితులు తెలుసుకున్నారు. దీంతో తమకు న్యాయం చేయాలని పోలీసులను ఆశ్రయించారు. అతని వివరాలు పూర్తిగా తెలియవని బాధితులు చెబుతున్నారు. మోసపోయిన వారి సంఖ్య ఇంకా పెరిగే అవకాశం ఉందని బాధితులు తెలియజేస్తున్నారు.