నాగార్జునసాగర్​కు భారీ వరద - పెరుగుతున్న సందర్శకుల తాకిడి - FLOOD FLOW TO NAGARJUNA SAGAR - FLOOD FLOW TO NAGARJUNA SAGAR

Heavy Flood Flow To Nagarjuna Sagar : నాగార్జున సాగర్​ జలాశయం జలకళ సంతరించుకుంది. గత వారం రోజులుగా వరద ప్రవాహం పెరగడం, శ్రీశైలం జలాశయ గేట్లెత్తడంతో నీటి ప్రవాహం మరింత ఎక్కువైంది. దీంతో సందర్శకుల తాకిడి కూడా బాగా పెరిగింది. ప్రాజెక్టును పర్యాటకులు సందర్శిస్తున్నారు. నాగార్జున సాగర్​ జలాశయం మొత్తం నీటిమట్టం 590 అడుగులు కాగా ప్రస్తుతం 515.10 అడుగులకు చేరింది. ప్రాజెక్టు నీటి సామర్థ్యం 312.04 టీఎంసీలు కాగా ప్రస్తుతం 140.49 టీఎంసీలకు చేరుకుంది. 

నాగార్జున సాగర్​కు ఎగువ నుంచి ఇన్​ఫ్లో లక్షా 4వేల 2వందలు క్యూసెక్కులు వస్తోంది. సాగర్​ కుడి కాల్వకు 5వేల 944 క్యూసెక్కులు నీరు, ఎస్​ఎల్బీసీకి తాగునీటి 450 క్యూసెక్కులు నీటిని విడుదల చేస్తున్నారు. సాగర్​ జలాశయం నీరు ప్రవాహం పెరుగుతుండడంతో ఎడుమ కాలువ కింద రైతన్నలు సాగుకు సిద్ధం అవుతున్నారు. కాగా సాగు నీటి విడుదలపై ప్రభుత్వం త్వరగా నిర్ణయం తీసుకోవాలని రైతులు కోరుతున్నారు.