LIVE : ఎన్డీఆర్ఎఫ్ వేడుకల్లో కేంద్ర హోంమంత్రి అమిత్ షా, సీఎం చంద్రబాబు - విజయవాడ నుంచి ప్రత్యక్షప్రసారం - NDRF FOUNDATION DAY CELEBRATIONS

NDRF Foundation Day celebrations live in AP : రెండు రోజుల రాష్ట్ర పర్యటనలో భాగంగా కేంద్ర హోం మంత్రి అమిత్ షా శనివారం విజయవాడ చేరుకున్నారు. దిల్లీ నుంచి ప్రత్యేక విమానంలో గన్నవరం విమానాశ్రయానికి వచ్చిన అమిత్​షాకు కూటమి నేతలు ఘనస్వాగతం పలికారు. తెలుగుదేశం పార్టీ నుంచి మంత్రి నారా లోకేశ్, హోం మంత్రి వంగలపూడి అనిత, సత్య కుమార్, కూటమి నేతలు స్వాగతం పలికారు. గన్నవరం విమానాశ్రయం నుంచి రోడ్డు మార్గంలో ఉండవల్లిలోని సీఎం చంద్రబాబు నివాసానికి అమిత్ షా చేరుకున్నారు. అమిత్​ షాకు చంద్రబాబు, పవన్​ కల్యాణ్​ స్వాగతం పలికారు. చంద్రబాబు నివాసంలో అమిత్ షాకు విందు ఏర్పాటు చేశారు. చంద్రబాబు నివాసంలో విందుకు ఉపముఖ్యమంత్రి పవన్ కల్యాణ్, బీజేపీ రాష్ట్ర అధ్యక్షురాలు పురందేశ్వరి, పలువురు సీనియర్ నేతలు హాజరయ్యారు. విశాఖ స్టీల్ ప్లాంట్​కి 11 వేల 400 కోట్లు కేంద్రం ప్రకటించిందున అమిత్ షాను ఏపీ కూటమి నేతలు ఘనంగా సన్మానించారు. ప్రస్తుతం విజయవాడ గన్నవరం మండలం కొండపావులూరులో జరిగే NDRF వేడుకల్లో సీఎం చంద్రబాబుతో కలిసి అమిత్​షా పాల్గొన్నారు. ప్రత్యక్షప్రసారం మీకోసం.