'జయ జయహే తెలంగాణ' గీతం ఆవిష్కరణ - పాట వింటూ కన్నీళ్లు పెట్టుకున్న అందెశ్రీ - ANDESHREE EMOTIONAL VIDEO - ANDESHREE EMOTIONAL VIDEO

Andeshree Emotional On Telangana Song : పదేళ్ల నిరీక్షణ తర్వాత అందెశ్రీ రాసిన జయ జయహే తెలంగాణ పాట తెలంగాణ రాష్ట్ర గీతంగా పభుత్వం ఆమోద ముద్ర వేసింది. చాలా సంవత్సరాల తర్వాత ఆయన రాసిన పాటకు గుర్తింపు రావడంతో పరేడ్ గ్రౌండ్​లో గీతం వింటూ అందెశ్రీ భావోద్వేగానికిగురై కన్నీళ్లు పెట్టుకున్నారు. సుఖశాంతుల తెలంగాణ సుభిక్షంగా ఉండాలని అంటూ వస్తున్న పాట వింటూ అందెశ్రీ కంట కన్నీటితో ఆలకిస్తూ భావోద్వేగం చెందారు. గీతాన్ని వింటున్నంత సేపు ఆయన కళ్లలో కన్నీరు ఆగలేదు.  

Telangana State Anthem : తెలంగాణ ఆవిర్భావ దశాబ్ది వేడుకల్లో భాగంగా సీఎం రేవంత్ రెడ్డి తెలంగాణ రాష్ట్ర గీతం 'జయజయహే విడుదల చేశారు. హైదరాబాద్​లోని పరేడ్ గ్రౌండ్​లో నిర్వహించిన వేడుకల్లో ఆయన పాల్గొన్నారు.  తొలుత జాతీయ జెండాను ఆవిష్కరించిన సీఎం అనంతరం పోలీసుల నుంచి గౌరవ వందనం స్వీకరించారు. ఆ తర్వాత తెలంగాణ రాష్ట్ర గీతాన్ని విడుదల చేశారు. ఈ గీతం వింటూ అందెశ్రీ తీవ్ర భావోద్వేగానికి గురయ్యారు. అందెశ్రీ రాసిన 'జయ జయహే తెలంగాణ' గీతానికి కీరవాణి స్వరాలందించిన విషయం తెలిసిందే.