Vodafone Partnership with Google: టెలికాం కంపెనీ Vodafone Group Plc ఐరోపా, ఆఫ్రికాలోని తన వినియోగదారులకు క్లౌడ్ సేవలు, Gen AI టూల్స్, సైబర్ సెక్యూరిటీని అందించేందుకు ఆల్ఫాబెట్ Googleతో భాగస్వామ్యం కుదుర్చుకుంది.
గూగుల్తో వొడాఫోన్ భాగస్వామ్యం:ఇప్పటికే ఉన్న భాగస్వామ్యాన్ని 10 సంవత్సరాల పొడిగిస్తూ వొడాఫోన్.. గూగుల్ క్లౌడ్ స్టోరేజ్ సబ్స్క్రిప్షన్లను ప్రమోట్ చేస్తుంది. ఇందులో Google One AI ప్రీమియం ఉంటుంది. దీని ద్వారా జెమినీ చాట్బాట్ను సులభంగా యాక్సెస్ చేయవచ్చని వొడాఫోన్ మంగళవారం ఒక ప్రకటనలో తెలిపింది. UK- బేస్డ్ ఆపరేటర్.. స్టోర్స్లో లేటెస్ట్ Pixel డివైజెస్ ఏఐ ఫీచర్లను ఎలా ఉపయోగించాలో కూడా కస్టమర్లకు చూపిస్తుంది.
"వోడాఫోన్, గూగుల్ కలిసి కొత్త AI-ఆధారిత డివైజెస్ను మిలియన్ల మంది వినియోగదారుల చేతిలో ఉంచుతాయి. ఈ సేవలను ఉపయోగించడం ద్వారా మా కస్టమర్లు నేర్చుకునేందుకు, కమ్యూనికేట్ చేసేందుకు కొత్త మార్గాలను అన్వేషించొచ్చు." - మార్గరీటా డెల్లా వల్లే, చీఫ్ ఎగ్జిక్యూటివ్ వోడాఫోన్
గూగుల్ క్లౌడ్ టెక్నాలజీని ఉపయోగించడం:టెలికాం ప్రొవైడర్లు కనెక్టివిటీతో పాటు డిజిటల్ సేవలను అందించడం ద్వారా తమ ఆదాయ వనరులను వైవిధ్యపరచడానికి ప్రయత్నిస్తున్నాయి. ఇలా చేయడం ద్వారా చాలామంది ఆపరేటర్లు విఫలమైనప్పటికీ భారీ లాభాలను ఆర్జించిన బడా టెక్ కంపెనీల విజయాన్ని కాపీ కొట్టాలనుకుంటున్నాయి.