BYD eMax 7 Launched: ఎలక్ట్రిక్ వాహన తయారీ కంపెనీ బీవైడీ ఇండియా మార్కెట్లో మరో విద్యుత్‌ కారును రిలీజ్ చేసింది. బీవైడీ గతంలో తీసుకొచ్చిన తన ఈ6కి కొనసాగింపుగా ఈమ్యాక్స్ 7 ఎంపీవీని లాంచ్ చేసింది. ఈ కారు మార్కెట్లో ప్రీమియం, సుపీరియర్‌ వేరియంట్లలో అందుబాటులో ఉంది. రెండు మోడళ్ల టాప్‌ స్పీడ్‌ 180 కిలోమీటర్లు అని బీవైడీ ఇండియా తెలిపింది. కంపెనీ.. ఈ రెండు వేరియంట్లలోనూ 6, 7 సీట్ల ఆప్షన్‌ను అందిస్తోంది. ఈ కొత్త కారు బుకింగ్స్ ఇప్పటికే ప్రారంభమయ్యాయి. ఈ సందర్భంగా దీని ధర, ఫీచర్ల గురించి మరిన్ని వివరాలు తెలుసుకుందాం రండి.
BYD eMax 7 ప్రీమియం వేరియంట్:
- దీని ప్రీమియం వేరియంట్‌లో 55.4 కిలో వాట్‌అవర్‌ బ్యాటరీని అమర్చారు.
- ఇది సింగిల్‌ ఛార్జ్‌తో 420 కిలోమీటర్ల దూరం వరకు ప్రయాణిస్తుంది.
- ఈ వేరియంట్ 163 హెచ్‌పీ పవర్ని రిలీజ్ చేస్తుంది.
- ఇది 0-100 కిలోమీటర్ల వేగాన్ని కేవలం 8.6 సెకన్లలో అందుకుంటుందని కంపెనీ పేర్కొంది.
BYD eMax 7 సుపీరియర్‌ వేరియంట్:
- ఈ కారు సుపీరియర్‌ వేరియంట్ 71.8 కిలోవాట్‌ అవర్‌ బ్యాటరీతో వస్తోంది.
- ఇది సింగిల్‌ ఛార్జ్‌తో 530 కిలోమీటర్లు ప్రయాణిస్తుందని బీవైడీ ఇండియా పేర్కొంది.
- దీని సుపీరియర్‌ వేరియంట్‌లో లెవల్‌ 2 అడాస్‌ ఫీచర్లు ఇచ్చారు.
- ఈమ్యాక్స్ 7 బ్యాటరీపై 8 ఏళ్లు/ 1.6 లక్షల కిలోమీటర్ల వరకు బీవైడీ స్టాండర్డ్‌ వారెంటీ ఇస్తోంది.
- దీని మోటార్‌పై 8 ఏళ్లు/ 5 లక్షల కిలోమీటర్ల వారెంటీ అందిస్తోంది.
BYD eMax 7లో కలర్ ఆప్షన్స్:
- క్వార్ట్జ్‌ బ్లూ
- హార్బర్‌ గ్రే
- క్రిస్టల్‌ వైట్‌
- కాస్మోస్‌ బ్లాక్‌
BYD eMax 7 ఫీచర్లు:
- ఈ మోడల్లో 17 అంగుళాల అలాయ్‌ వీల్స్‌ ఇచ్చారు.
- ఇందులో 12.8 అంగుళాల ఫ్లోటింగ్‌ టచ్‌ స్క్రీన్‌ ఉంది.
- పనోరమిక్‌ గ్లాస్‌ రూఫ్‌
- 360 డిగ్రీ కెమెరా
- టైర్‌ ప్రెజర్‌ మానిటరింగ్‌ సిస్టమ్‌
- ఎన్‌ఎఫ్‌సీ కార్డ్ కీ
- వెంటిలేటెడ్‌ ఫ్రంట్‌ సీట్లు
BYD eMax 7 ధర:
- ఈ కొత్త ఎలక్ట్రిక్ కారు ధర రూ.26.90 లక్షల నుంచి ప్రారంభం అవుతుంది.
- దీని హై ఎండ్‌ వేరియంట్ ధర రూ.29.90 లక్షలుగా (ఎక్స్‌-షోరూమ్‌) బీవైడీ నిర్ణయించింది.
పండగ వేళ హీరో మోటోకార్ప్కు షాక్- రిటైల్ సేల్స్లో నంబర్ వన్గా హోండా
సొంత AI ప్లాట్ఫారమ్ను లాంచ్ చేసిన ఇన్ఫినిక్స్- గూగుల్, శాంసంగ్కు పోటీగా అదిరే ఫీచర్స్..!
