OPPO Diwali Sale 2024: చైనాకు చెందిన ప్రముఖ మొబైల్‌ తయారీ సంస్థ ఒప్పో భారత్‌లో తన దీపావళి సేల్‌ను ప్రారంభించింది. ప్రత్యేక డిస్కౌంట్స్తో ఈ డీల్‌ తీసుకొచ్చింది. ఎంపిక చేసిన వాటి సేల్స్పై క్యాష్‌ ప్రైజ్‌లు, ఒప్పో ఫైండ్ ఎన్‌3 ఫ్లిప్‌ ఫోన్లను అందించనుంది. దీంతోపాటు నో కాస్ట్‌ ఈఎంఐ, జీరో డౌన్‌ పేమెంట్‌, జీరో ప్రాసెసింగ్‌ ఫీ, ఇన్‌స్టంట్‌ క్యాష్‌బ్యాక్‌ ఇవ్వనున్నట్లు పేర్కొంది. ఈ సేల్ ఇప్పటికే ప్రారంభమవ్వగా నవంబర్‌ 7 వరకు ఈ ఆఫర్స్ అందుబాటులో ఉండనున్నాయి.
ఒప్పో తీసుకొచ్చిన ఆకర్షణీయమైన డీల్స్ ఇవే:
- "పే జీరో, వర్రీ జీరో, విన్‌ రూ.10 లక్షలు" పేరుతో ఒప్పో ఈ దీపావళి సేల్‌ను తీసుకొచ్చింది.
- ఈ సేల్లో ఒప్పో రెనూ 12 ప్రో 5జీ, ఒప్పో ఎఫ్‌27 ప్రో+ 5జీ ఫోన్లపై 12 నెలల నో కాస్ట్‌ ఈఎంఐ సదుపాయం అందిస్తోంది.
- కోటక్‌ బ్యాంక్‌, ఐడీఎఫ్‌సీ ఫస్ట్ బ్యాంక్‌, టీవీఎస్‌ ఫైనాన్స్, హెచ్‌డీబీ ఫైనాన్స్, బజాజ్‌ ఫైనాన్స్ యూజర్లకు 6 నుంచి 9 నెలల పాటు జీరో ప్రాససింగ్‌ ఫీ, ఏడాది పాటు జీరో డౌన్‌ పేమెంట్‌ సదుపాయం అందిస్తోంది.
- ఎస్‌బీఐ, హెచ్‌డీఎఫ్‌సీ, ఐసీఐసీఐ, బీఓబీ, ఐడీఎఫ్‌సీ ఫస్ట్ బ్యాంక్‌, కోటక్‌, ఏయూ స్మాల్‌ ఫైనాన్స్ బ్యాంక్‌, ఆర్‌బీఎల్‌, డీబీఎస్‌, ఫెడరల్‌ బ్యాంక్‌ యూజర్లకు 10శాతం ఇన్‌స్టంట్‌ డిస్కౌంట్‌ పొందొచ్చని తెలిపింది.
- ఒప్పో రెనో 11 సిరీస్‌, ఒప్పో ఎఫ్‌25 ప్రో, ఒప్పో ఎఫ్‌27 5జీ, ఒప్పో ఏ3 ప్రో5జీ, ఒప్పో కే12 ఎక్స్‌ 5జీ ఫోన్లపై పెద్దఎత్తున డిస్కౌంట్లు ప్రకటించింది.
- నవంబర్‌ 7వ తేదీ లోపు కొనుగోలు చేసేవారికి ఒప్పో ఫైండ్ ఎ3 ఫ్లిప్‌, ఒప్పో ఎక్నో బడ్స్‌2, ఒప్పో ప్యాడ్‌, లక్ష రూపాయలు గెలుచుకొనే అవకాశం లభిస్తుంది.
- అంతేకాదు స్క్రీన్‌ ప్రొటెక్షన్‌, ఒప్పో కేర్‌+ సబ్‌స్క్రిప్షన్‌, రివార్డ్‌ పాయింట్లు, క్యాష్‌ ప్రైజ్‌ కైవసం చేసుకోవచ్చని పేర్కొంది.
- ఒప్పో ఇ-స్టోర్‌, ఒప్పో రిటైల్‌ స్టోర్‌, ఫ్లిప్‌కార్ట్‌, అమెజాన్‌ ద్వారా కొనుగోలు చేసేవారు ఈ ప్రయోజనాలు పొందొచ్చు.
డిజిటల్ పేమెంట్స్పై ఆర్బీఐ కీలక నిర్ణయం- యూపీఐ లైట్, వ్యాలెట్ పరిమితుల పెంపు
