మొబైల్ రీఛార్జ్​లతో 'జియోహాట్​స్టార్​' ఫ్రీ యాక్సెస్- యూజర్లకు ఇక పండగే!

జియో, వీఐ యూజర్లకు గుడ్​న్యూస్- ఈ రీఛార్జ్​లతో 'జియోహాట్​స్టార్'​ సబ్​స్క్రిప్షన్!

JioHotstar Free Access Mobile Plans:డిస్నీ+ హాట్‌స్టార్, జియో సినిమా విలీనంతో ఇటీవలే 'జియోహాట్‌స్టార్' అనే కొత్త OTT ప్లాట్‌ఫారమ్‌ అవతరించింది. ఈ కొత్త ప్లాట్​ఫారమ్​ సబ్​స్క్రిప్షన్​ ప్లాన్​లు కూడా ప్రారంభమయ్యాయి. అయితే ఇప్పటికే ఈ రెండు ఓటీటీ ప్లాట్​ఫారమ్​లకు విడివిడిగా ఉన్న సబ్‌స్క్రైబర్లకు తమ ప్లాన్ గడువు ముగిసే వరకు సబ్​స్క్రిప్షన్ కొనసాగనుంది. ఆ తర్వాత ఇందుకోసం కొత్తగా ప్రారంభమైన 'జియోహాట్‌స్టార్' సబ్​స్క్రిప్షన్​ ప్లాన్​ను తీసుకోవాల్సి ఉంటుంది.

అయితే జియో, వోడాఫోన్ ఐడియా సంస్థలు కూడా తమ మొబైల్​ ప్లాన్‌లతో ఫ్రీ 'జియోహాట్‌స్టార్' యాక్సెస్​ను అందిస్తున్నాయి. దీంతో మొబైల్​ రీఛార్జ్​లతో కూడా 'జియోహాట్‌స్టార్' సబ్‌స్క్రిప్షన్‌ను పొందొచ్చు. ఈ సందర్భంగా ఏ ఏ ప్లాన్​లు ఫ్రీ 'జియోహాట్‌స్టార్' యాక్సెస్​ను అందిస్తున్నాయో తెలుసుకుందాం రండి.

రిలయన్స్ జియోహాట్​స్టార్​ ప్లాన్​లు: జియో ఇప్పటికే ఫ్రీ 'జియోసినిమా' యాక్సెస్‌ను అందించే అనేక ప్లాన్‌లను అందిస్తోంది. ఈ నేపథ్యంలో ఈ నెట్‌వర్క్ ఆపరేటర్ 'జియోహాట్‌స్టార్' సబ్‌స్క్రిప్షన్‌తో చాలానే ప్లాన్​లను కలిగి ఉంటుందని ఎవరైనా అనుకోవచ్చు. అయితే ప్రస్తుతానికి ఈ కొత్త ప్లాట్‌ఫామ్‌లో కంటెంట్‌ను చూసేందుకు జియో నెట్​వర్క్​లో కేవలం రెండు ప్లాన్‌లను మాత్రమే ఉన్నాయి.

ఈ రెండింటిలో చౌకైనది కొత్తగా ప్రారంభించిన రూ. 195 క్రికెట్ డేటా ప్యాక్. ఇది 3 నెలల ఫ్రీ 'జియోహాట్‌స్టార్' సబ్​స్క్రిప్షన్​ను అందిస్తుంది. ఈ డేటా ఓన్లీ యాడ్-ఆన్ ప్లాన్ 15GB 4G/5G డేటాతో వస్తుంది. ఇది యాడ్-సపోర్టెడ్ 'జియోహాట్‌స్టార్' మొబైల్ ప్లాన్‌కు ఫ్రీ-యాక్సెస్‌ను అందిస్తుంది. ఇది వినియోగదారులు ఒకేసారి ఒక డివైజ్​లో HD రిజల్యూషన్‌లో కంటెంట్‌ను స్ట్రీమ్ చేసేందుకు అనుమతిస్తుంది.

ఇక ఈ జాబితాలో మరో రూ. 949 ప్లాన్​ను జియో ఇటీవలే అప్​డేట్​ చేసింది. ఈ ప్రీపెయిడ్ ప్లాన్ 84 రోజుల వ్యాలిడిటీతో వస్తుంది. ఈ ప్లాన్​తో 2GB 4G డేటా, అన్​లిమిటెడ్ వాయిస్ కాల్స్, రోజుకు 100 SMS, అన్​లిమిటెడ్ 5G డేటా లభిస్తుంది.

మీరు ఇప్పటికే అన్​లిమిటెడ్ వాయిస్ కాల్స్, రోజువారీ డేటాను అందించే జియో ప్లాన్‌కు సబ్​స్క్రిప్షన్​ను కలిగి ఉంటే 'జియోహాట్​స్టార్​' ఫ్రీ యాక్సెస్​కు రూ. 195 ప్యాక్ బెస్ట్ ఆప్షన్​ అని చెప్పొచ్చు. కానీ తమ మొబైల్‌ను రీఛార్జ్ చేసుకోవాలనుకునే వారైతే ఖరీదైన ప్లాన్‌ను ఎంచుకుంటే బాగుంటుంది.

వొడాఫోన్ ఐడియా జియోహాట్​స్టార్​ ప్లాన్​లు: వోడాఫోన్ ఐడియా కూడా కొన్ని లాభదాయకమైన ప్రీపెయిడ్ ప్లాన్‌లను అందిస్తుంది. ఇవి ఉచిత 'జియోహాట్‌స్టార్' మెంబర్​షిప్​ అందిస్తాయి. మీకు ఇప్పటికే యాక్టివ్ బేస్ ప్లాన్ ఉంటే, 4GB అండ్ 30 రోజుల వ్యాలిడిటీతో వచ్చే రూ. 151 యాడ్-ఆన్ ప్లాన్‌ను చూడండి. దీనితో మీకు ఎటువంటి సర్వీస్ వ్యాలిడిటీ లభించనప్పటికీ, ఇది 3 నెలల 'జియోహాట్‌స్టార్' సబ్‌స్క్రిప్షన్​ను అందిస్తుంది.

ఒకవేళ మీరు సాధారణ ప్రీపెయిడ్ ప్లాన్ కోసం చూస్తున్నట్లయితే రూ.469 ప్లాన్ మీ అవసరాలను తీర్చవచ్చు. 28 రోజుల వ్యాలిడిటీతో ఈ ప్లాన్ అన్​లిమిటెడ్ వాయిస్ కాల్స్, రోజుకు 100 SMSలను అందిస్తుంది. దీంతోపాటు ఈ ప్లాన్​తో మీకు రోజూ 12AM నుంచి 12PM వరకు అన్​లిమిటెడ్ డేటాతో పాటు 2.5 GB మొబైల్ డేటా లభిస్తుంది. పైన పేర్కొన్న యాడ్-ఆన్ ప్లాన్ మాదిరిగానే దీనితో కూడా మీరు 3 నెలల ఉచిత 'జియోహాట్​స్టార్​' మెంబర్​షిప్​ పొందుతారు.

ఇక 3 నెలల ఉచిత 'జియోహాట్​స్టార్' యాక్సెస్‌తో వచ్చే త్రైమాసిక ప్రీపెయిడ్ ప్లాన్ కోసం చూస్తున్నట్లయితే రూ. 994 ప్యాక్ మీకు నచ్చొచ్చు. ఇది 84 రోజుల వ్యాలిడిటీతో వస్తుంది. ఈ ప్లాన్​తో అన్​లిమిటెడ్ వాయిస్ కాల్స్, రోజుకు 100 SMSలు, రోజుకు 2GB డేటాతో పాటు ప్రతిరోజూ 12AM నుంచి 12PM వరకు అన్​లిమిటెడ్ మొబైల్ డేటాను అందిస్తుంది.

వొడాఫోన్ ఐడియా నుంచి ఉచితంగా 'జియోహాట్​స్టార్​'ను అందించే అత్యంత ఖరీదైన ప్రీపెయిడ్ ప్లాన్ రూ. 3,699. ఈ ప్లాన్​తో అన్​లిమిటెడ్ వాయిస్ కాల్స్, రోజుకు 100 SMS వంటి స్టాండర్డ్ బెనిఫిట్స్​తో పాటు ప్రతిరోజూ 2GB మొబైల్ డేటా, ఒక ఏడాది పాటు 'జియోహాట్​స్టార్' మెంబర్​షిప్​ లభిస్తుంది. ఈ ప్లాన్​ దీర్ఘకాలంలో డబ్బు ఆదా చేయాలనుకునే వారికి అనువైనదిగా ఉంటుంది.

గమనిక: ఎయిర్‌టెల్, BSNL 'జియోహాట్‌స్టార్' మెంబర్​షిప్​తో తమ ప్రీపెయిడ్ ప్లాన్‌లనుప్రకటించినట్లు తెలుస్తోంది. కానీ ఈ నెట్‌వర్క్ ఆపరేటర్లు ఇంకా వీటి వివరాలను తమ వెబ్‌సైట్​లో అప్​డేట్​ చేయలేదు.