Samsung Galaxy G Fold: హువావే ట్రై ఫోల్డ్ మొబైల్కు పోటీగా శాంసంగ్ 'గెలాక్సీ G ఫోల్డ్' స్మార్ట్ఫోన్ త్వరలో మార్కెట్లోకి ఎంట్రీ ఇవ్వనున్నట్లు తెలుస్తోంది. ఈ మేరకు కంపెనీ దీనితో పాటు జులై మధ్యలో ఫోల్డబుల్ ఫోన్‌లుగా విడుదల కానున్న ఈ నెక్స్ట్ జనరేషన్ 'గెలాక్సీ Z ఫోల్డ్ 7', 'గెలాక్సీ Z ఫ్లిప్ 7' మోడల్స్పై పనిచేస్తున్నట్లు తెలుస్తోంది.
దక్షిణ కొరియా పబ్లికేషన్ నుంచి వచ్చిన కొత్త నివేదిక ప్రకారం శాంసంగ్ వీటితో పాటు కొత్త 'గెలాక్సీ G ఫోల్డ్' స్మార్ట్ఫోన్ను కూడా అభివృద్ధి చేస్తోందని, ఇది కంపెనీ గతంలో టీజ్ చేసిన కొత్త ఫారమ్ ఫ్యాక్టర్‌లో వస్తుందని సూచిస్తుంది. ఈ హ్యాండ్సెట్ మార్కెట్లో 'హువావే మేట్ XT అల్టిమేట్ ఎడిషన్' వంటి ట్రై-ఫోల్డ్ స్మార్ట్‌ఫోన్‌లతో పోటీ పడగలదని తెలిపింది.
ప్రత్యేక ఎక్స్టెర్నల్ డిస్ప్లే: నివేదికల ప్రకారం శాంసంగ్ 'గెలాక్సీ G ఫోల్డ్' ప్రత్యేక బాహ్య డిస్‌ప్లేను కలిగి ఉండొచ్చు. ఇండస్ట్రీ సోర్సెస్ను ఉటంకిస్తూ, ETNews (కొరియన్‌లో) శాంసంగ్ కొత్త 'డబుల్-ఫోల్డింగ్' ఫోల్డబుల్ ఫోన్‌పై పనిచేస్తోందని నివేదించింది. 'శాంసంగ్ గెలాక్సీ G ఫోల్డ్' పేరుతో ఈ ఫోన్ 'గెలాక్సీ Z ఫోల్డ్ 7', 'గెలాక్సీ Z ఫ్లిప్ 7' మోడల్స్తో పాటు అభివృద్ధి దశలో ఉందని తెలిపింది. కంపెనీ ఏప్రిల్‌లో ఈ కొత్త హ్యాండ్సెట్ కోసం విడిభాగాలను కొనుగోలు చేస్తుందని సమాచారం. శాంసంగ్ దీనిని అప్కమింగ్ బుక్-స్టైల్, క్లామ్‌షెల్-స్టైల్ ఫోల్డబుల్ ఫోన్‌లతో ప్రారంభించొచ్చు.
అయితే ఇది జరిగితే మూడు ప్యానెల్‌లను కలిగి ఉన్న ఇన్నర్ డిస్‌ప్లేతో 'డబుల్-ఫోల్డింగ్' హ్యాండ్‌సెట్‌ను ప్రవేశపెట్టిన మొదటి కంపెనీ శామ్‌సంగ్ ఏం అవతరించదు. ఎందుకంటే 'హువావే మేట్ XT అల్టిమేట్ ఎడిషన్' గతేడాది కమర్షియల్గా లభించే మొదటి ట్రై-ఫోల్డ్ స్మార్ట్ఫోన్గా ప్రారంభం అయింది. దీంతో ప్రపంచంలోనే మొట్టమొదటి ట్రై ఫోల్డబుల్ ఫోన్ లాంఛ్ చేసిన కంపెనీగా హువావే అవతరించింది. అయితే ఈ రూమర్డ్ హ్యాండ్సెట్ కోసం శాంసంగ్ అదే S-స్టైల్ ఫోల్డింగ్ డిజైన్ను ఉపయోగించకపోవచ్చని తెలుస్తోంది.
నివేదిక ప్రకారం హువావే స్మార్ట్ఫోన్ మాదిరిగా S-ఆకారంలో బెండ్ చేయగలికే ఫోల్డబుల్ డిస్‌ప్లేకు బదులుగా, శామ్‌సంగ్ G-స్టైల్ ఫోల్డబుల్ డిజైన్ను రూపొందించొచ్చు. ఇది నిజమైతే 9.96-అంగుళాల లోపలి స్క్రీన్‌ను కలిగి ఉన్న మూడు ప్యానెల్‌లు డివైజ్ను మడతపెట్టినప్పుడు హైడ్ అవుతాయి.
దీంతో ఫోన్ కవర్ డిస్ప్లే కోసం ప్రత్యేకంగా బాహ్యంగా కనిపించే స్క్రీన్ అవసరం అవుతుంది. ఇది 6.49 అంగుళాల కొలతలు కలిగిన 'గెలాక్సీ Z ఫోల్డ్ 7' కోసం శాంసంగ్ ఉపయోగించాలని ప్లాన్ చేస్తున్న అదే అవుటర్ స్క్రీన్ అని తెలుస్తోంది. శాంసంగ్ ఇప్పటికే ట్రై-ఫోల్డ్ డిస్ప్లేలను ప్రదర్శించింది. కానీ ఈ ప్రోటోటైప్‌ల ఆధారంగా కమర్షియల్ వెర్షన్‌ను ఇంకా ప్రారంభించలేదు.
హువావే నుంచి వచ్చిన 'మేట్ XT అల్టిమేట్ ఎడిషన్'కు పోటీగా శాంసంగ్ ఎట్టకేలకు ఒక ఫోన్‌ను విడుదల చేసేందుకు సిద్ధమవుతోందని నివేదిక సూచిస్తున్నప్పటికీ అంతగా ఎక్సైట్ అవ్వాల్సిన అవసరం లేదు. ఎందుకంటే శాంసంగ్ గతంలో 'గెలాక్సీ Z ఫోల్డ్ SE'ని దక్షిణ కొరియా, చైనాలోనే ప్రారంభించింది. ఇప్పుడు ఈ అప్కమింగ్ 'గెలాక్సీ G ఫోల్డ్' కూడా పరిమిత ప్రాంతాలలోనే అందుబాటులో ఉండొచ్చు. విస్తృత విడుదలను పరిగణనలోకి తీసుకునే ముందు యూజర్లు ప్రొడక్ట్కు ఎలా స్పందిస్తారో అంచనా వేసేందుకు శాంసంగ్ దాదాపు 2 లక్షల యూనిట్లను మాత్రమే ఉత్పత్తి చేస్తుందని నివేదిక పేర్కొంది.
మీ ఫోన్లో డ్యూయల్ సిమ్ ఉందా?- కేవలం రూ.59కే రెండో సిమ్ యాక్టివ్గా!
ఎయిర్టెల్ యూజర్లకు గుడ్న్యూస్- ఆ ప్లాన్లతో 'యాపిల్ TV+' ఫ్రీ యాక్సెస్!
పవర్ఫుల్ ప్రాసెసర్, 6,000mAh బ్యాటరీతో రియల్మీ కొత్త ఫోన్- రూ. 15,600లకే!
