Oppo Find X8 Series: స్మార్ట్ఫోన్ ప్రియులు ఎప్పుడెప్పుడా అని ఎదురుచూస్తున్న ఒప్పో 'Find X8' సిరీస్ త్వరలో దేశీయ మార్కెట్లోకి ఎంట్రీ ఇవ్వనున్నాయి. ఇటీవలే కంపెనీ చైనాలో 'ఫైండ్ X8', 'ఫైండ్ X8 ప్రో' మొబైల్స్ను లాంఛ్ చేసింది. ఇప్పుడు ఈ సిరీస్ గ్లోబల్, ఇండియా మార్కెట్లో లాంఛ్ తేదీలను ఒప్పో ప్రకటించింది.
ఈ స్మార్ట్ఫోన్ల ఇండియన్ వేరియంట్స్ చైనీస్ వెర్షన్లను పోలి ఉంటాయి. ఒప్పో.. 'Find X8' సిరీస్‌తో పాటు, గ్లోబల్ మార్కెట్లో Android 15 బేస్డ్ ColorOS 15 ను కూడా ఆవిష్కరించనుంది. ఒప్పో ఇండియా తన వెబ్సైట్లో ఈ స్మార్ట్ఫోన్ల గ్లోబల్ లాంఛ్ తేదీని వెల్లడించింది. అదే రోజున ఇండియాలో లైనప్ ప్రారంభించనున్నట్లు కన్ఫార్మ్ చేసింది.
ప్రముఖ ఇ-కామర్స్ వెబ్సైట్ ఫ్లిప్కార్ట్లో ఈ రెండు స్మార్ట్ఫోన్లు అందుబాటులో ఉంటాయని తెలిపింది. 'ఒప్పో ఫైండ్ X8', 'ఫైండ్ X8 ప్రో' మొబైల్స్ ప్రీ బుకింగ్స్ ఇండియాలో ఇప్పటికే స్టార్ట్ అయ్యాయి. ఒప్పో ఆండ్రాయిడ్ 15-బేస్డ్ ColorOS 15 AI ఫీచర్లతో భారత్ సహా ప్రపంచ మార్కెట్లలో నవంబర్ 21న వీటిని రిలీజ్ చేయనున్నారు.
ఒప్పో ఫైండ్ X8 సిరీస్ ఫీచర్లు:'ఒప్పో ఫైండ్ X8' గ్లోబల్ వేరియంట్ 6.59-అంగుళాల డిస్ప్లేతో వస్తుంది. దీని మందం 7.85 మిమీ, దాని బరువు 193 గ్రాములు ఉంటుంది. ఇది స్టార్ గ్రే, స్పేస్ బ్లాక్ కలర్ ఆప్షన్లలో లభిస్తుంది. దీని ప్రో వేరియంట్ 6.78-అంగుళాల స్క్రీన్‌ను కలిగి ఉంది. ఇది పెరల్ వైట్, స్పేస్ బ్లాక్ రంగులలో వస్తుంది.