కొత్త కారు కొనాలనుకునే వారికి శుభవార్త- భారీ డిస్కౌంట్​పై కేంద్రం ప్రకటన - Gadkari on new Vehicles Discount

Nitin Gadkari Announces Discount on Vehicles: కొత్త కారు లేదా కమర్షియల్ వాహనాలను కొనుగోలు చేయాలని అనుకుంటున్నారా? అయితే మీకో అదిరే శుభవార్త అందించింది కేంద్రం. కొత్త వాహనాలపై భారీ డిస్కౌంట్​ను అందిస్తున్నట్లు ప్రకటించింది. మరి ఈ డిస్కౌంట్ పొందాలంటే ఏం చేయాలో తెలుసుకుందారం రండి.

Nitin Gadkari Announces Discount on Vehicles: కొత్తకారు, కమర్షియల్ వెహికల్స్ కొనాలని అనుకునేవారికి కేంద్రం గుడ్​ న్యూస్ చెప్పింది. పాత వాహనాల్ని తుక్కు కింద ఇచ్చేస్తే, కొత్త వాహనాలపై డిస్కౌంట్​ ఆఫర్​ను కల్పించనున్నట్లు తెలిపింది. ఈ మేరకు వాలిడ్ డిపాజిట్ స్క్రాప్ సర్టిఫికేట్ తీసుకొచ్చినవారు కొత్త వాహనాలపై 1.5 నుంచి 3 శాతం వరకు డిస్కౌంట్ ఆఫర్​ను పొందనున్నట్లు కేంద్ర రోడ్డు రవాణా, జాతీయ రహదారుల మంత్రి నితిన్ గడ్కరీ వెల్లడించారు.

దిల్లీలోని భారత్ మండపంలో మంగళవారం కేంద్రమంత్రి నితిన్‌ గడ్కరీ సొసైటీ ఆఫ్ ఇండియమ్ ఆటోమొబైల్ మాన్యుఫ్యాక్చరర్స్ అసోసియేషన్(సియామ్​) సీఈవోలతో సమావేశమయ్యారు. ఈ సమావేశంలో మొబైల్ ఇండస్ట్రీకి సంబంధించిన పలు కీలక అంశాలపై చర్చించారు. ఈ క్రమంలో కొత్త వాహనాలపై డిస్కౌంట్లు అందజేసేందుకు కంపెనీల ప్రతినిధులు అంగీకరించినట్లు గడ్కరీ తెలిపారు.

అంటే పాత వాహనాలను తుక్కు కింద ఇచ్చేసి 'సర్టిఫికేట్ ఆఫ్ డిపాజిట్​'ను తీసుకొచ్చిన వినియోగదారులకు కొత్త కార్లపై ఎక్స్​ షోరూం ధరపై 1.5శాతం లేదా రూ.20వేలు ఏది తక్కవైతే అది అందజేస్తారు. ఇక అశోక్‌ లే లాండ్‌, మహీంద్రా & మహీంద్రా, టాటా మోటార్స్‌, ఫోర్స్‌ వంటి కమర్షియల్ వెహికల్స్ తయారీ సంస్థలు 3.5 టన్నుల కంటే ఎక్కువ సామర్థ్యం కలిగిన రవాణా వాహనాల ఎక్స్‌ షోరూం ధరపై 3 శాతం వరకు డిస్కౌంట్‌ ఇవ్వనున్నట్లు ప్రకటించాయి.

డిస్కౌంట్లు అందించేందుకు అంగీకరించి, వాహనాల ఆధునికీకరణ కార్యక్రమంలో భాగస్వాములైన వాహన తయారీ సంస్థలకు గడ్కరీ కృతజ్ఞతలు తెలిపారు. కాగా దేశంలో 1,000కి పైగా వెహికల్ స్క్రాపింగ్ కేంద్రాలు, 400లకు పైగా ఆడోమెటెడ్ ఫిట్​నెస్​ టెస్ సెంటర్లు అవసరమని గతేడాది నితిన్ గడ్కరీ పేర్కొన్న సంగతి తెలిసిందే. నేషనల్ వెహికల్ స్క్రాపింగ్ పాలసీ అనేది వాటాదారులందరికీ లాభదాయకంగా ఉంటుందని అన్నారు. దక్షిణాసియాలోనే అతిపెద్ద స్క్రాపింగ్ హబ్​గా ఇండియా నిలువనుందని ఆశాభావం వ్యక్తం చేశారు. సర్క్యూలర్ ఎకానమీ అనేది కీలకమని, అది దేశంలో కొత్త ఉద్యోగాలను సృష్టిస్తుందని కేంద్రమంత్రి నితిన్ గడ్కరీ అన్నారు.