Tata Motors: టాటా మోటార్స్ ఆల్ట్రోజ్ రేసర్, టాటా నెక్సాన్ సీఎన్‌జీ, ఎస్‌యూవి కూపే కర్వ్ వంటి డిఫరెంట్ మోడల్స్ను 2024లో ఇండియన్ మార్కెట్లో లాంఛ్ చేసింది. ఇదే జోరుతో ఇప్పుడు కంపెనీ మరో మూడు అద్భుతమైన కొత్త SUV కార్లను లాంచ్ చేసేందుకు ప్లాన్ చేస్తోంది. వచ్చే ఏడాది వీటిని రిలీజ్ చేయనుంది. ఇందులో టాటా సియెర్రా, టాటా హారియర్ EV, టాటా సియెర్రా EV ఉండే అవకాశం ఉంది.
టాటా మోటార్స్ నుంచి మూడు కార్లు: వచ్చే ఏడాది టాటా మోటార్స్ SUV విభాగంలో ఒకటి కంటే ఎక్కువ కొత్త ప్రొడక్ట్స్ను రిలీజ్ చేసేందుకు సన్నాహాలు చేస్తోంది. టాటా మోటార్స్‌కు సియెర్రా అనే SUV మంచి గుర్తింపు తెచ్చిపెట్టింది. ఇప్పుడు ఈ ఐకానిక్ కారు తిరిగి వస్తోంది. ఈ ఏడాది మొబిలిటీ ఎక్స్‌పోలో కూడా ఈ కారును ప్రదర్శించారు. కంపెనీ వచ్చే ఏడాది దీన్ని ఉత్పత్తి చేయొచ్చనే వార్తలు వినిపిస్తున్నాయి. దీనితో పాటు హారియర్ ఎలక్ట్రిక్ మోడల్ను కూడా రిలీజ్ చేయొచ్చు.
టాటా హారియర్ EV: టాటా మోటార్స్ వచ్చే ఏడాది భారత్లో దాని మిడ్-సైజ్ SUV హారియర్ ఎలక్ట్రిక్ వేరియంట్‌ను విడుదల చేయడానికి సిద్ధంగా ఉంది. ఈ ఏడాది ఫిబ్రవరిలో మొబిలిటీ ఎక్స్‌పోలో విడుదల చేసిన హారియర్ EV కస్టమర్లను ఆకట్టుకుంది. వచ్చే ఏడాదికి ఇది ఇండియన్ రోడ్లపైకి వచ్చేందుకు రెడీ అయింది. ఈ టాటా హారియర్ EV పవర్ఫుల్ బ్యాటరీ ప్యాక్‌ను కలిగి ఉంటుంది. ఇది సింగిల్ ఛార్జ్పై 600 కి.మీల రేంజ్ను అందించగలదు. అంతేకాక ఇది అదిరిపోయే లుక్స్తో పిచ్చెక్కించే ఫీచర్లతో ఎంట్రీ ఇవ్వనుంది.
టాటా సియెర్రా: టాటా మోటార్స్ తన ఐకానిక్ సియెర్రా SUVని వచ్చే ఏడాది ప్రథమార్థంలో తిరిగి తీసుకురానుంది. ఇది ఎలక్ట్రిఫైడ్ మాడ్యులర్ ఆర్కిటెక్చర్ ప్లాట్‌ఫారమ్‌పై ఆధారపడి ఉంటుంది. ఈ సియెర్రా ఎలక్ట్రిక్ వేరియంట్తో పాటు పెట్రోల్, డీజిల్ పవర్‌ట్రెయిన్ ఆప్షన్లతో రానుంది. ఈ కారు స్టైలిష్ లుక్స్, బాక్సీ డిజైన్‌తో వస్తుంది. దీని ఎలక్ట్రిక్ మోడల్ 500 కిమీ కంటే ఎక్కువ రేంజ్ను కలిగి ఉంటుంది. టాటా సియెర్రా అన్ని ఎలక్ట్రిక్, పెట్రోల్-డీజిల్ మోడల్స్ ఫీచర్ల పరంగా కూడా చాలా అద్భుతంగా ఉండనుంది.
పరేషాన్ చేస్తున్న వాట్సాప్- ప్రపంచవ్యాప్తంగా నిలిచిపోయిన సేవలు!
మీరు జియో సిమ్ వాడుతున్నారా?- ఈ స్పామ్ కాల్స్ బ్లాక్ సెట్టింగ్ మీకు తెలుసా?
