కొత్త మారుతి డిజైర్ vs పాత డిజైర్- ఇలాంటి అప్డేట్స్​ ఎప్పుడూ చూడలేదు భయ్యా!

న్యూ డిజైర్ వర్సెస్ ఓల్డ్ డిజైర్- కీలక మార్పులు ఇవే..!

New Maruti Dzire vs Old Dzire:మారుతి సుజుకి ఇటీవలే ఇండియన్ మార్కెట్లో తన ఫోర్త్-జనరేషన్ మారుతి డిజైర్​ను లాంఛ్ చేసింది. కంపెనీ ఈ కారును రూ.6.79 లక్షల ప్రారంభ ధరతో తీసుకొచ్చింది. ఈ కొత్త డిజైర్​లో డిజైన్​ నుంచి ఇంజిన్​, ఫీచర్లలో మేజర్ అప్డే​ట్స్ చేశారు. ఈ నేపథ్యంలో పాత డిజైర్​తో పోలిస్తే ఈ కొత్త కారులో ఎలాంటి మార్పులు చేశారో ఇప్పుడు తెలుసుకుందాం.

డిజైన్: ఈ రెండు కార్ల ఓవరాల్ సిల్హౌట్ ఎక్కువ లేదా తక్కువలు ఒకేలా ఉన్నప్పటికీ ఏటవాలు రూఫ్​, దాదాపు విలక్షణమైన మూడు-బాక్సీ డిజైన్‌తో కొత్త డిజైర్ ఫ్రంట్ లుకింగ్ మరింత అప్​డేటెడ్​గా ఉంటుంది. పాత మోడల్​లా కాకుండా కొత్త డిజైర్​ ఎక్స్​టీరియర్.. మారుతి స్విఫ్ట్​కు పూర్తి భిన్నంగా ఉంటుంది.

Dimensions	New Maruti Dzire	Old Maruti Dzire
Length	3,995 mm	3,995 mm
Width	1,735 mm	1,735 mm
Height	1,525 mm	1,515 mm
Wheelbase	2,450 mm	2,450 mm
Ground Clearance	163 mm	163 mm
Boot Space	382 litres	378 litres
Wheels and Tires	185/65 R15	185/65 R15
Curb Weight	920-1025 kg	880-995 kg

దీనిలో LED DRLతో వచ్చే ప్రొజెక్టర్ హెడ్‌ల్యాంప్స్​ చాలా ఆకర్షణీయంగా ఉంటాయి. సిక్స్ హారిజంటల్ స్లాట్లు​తో దీని కొత్త బ్లాక్​ హెక్సాగోనల్ గ్రిల్ పాత మోడల్​ కంటే చాలా పెద్దగా ఉంటుంది. దీని టాప్ పియానో బ్లాక్ అండ్ క్రోమ్​ ఫినిషింగ్​తో వస్తుంది. కారు హెడ్​లైట్స్, ఫాగ్ ల్యాంప్స్ మధ్య కొంచెం ఖాళీ ఉంటుంది. ఇవి హై-స్పెక్ వేరియంట్స్​లో LED యూనిట్లుగా ఉంటాయి.

ఇంటీరియర్: ఈ కారును మారుతి స్విఫ్ట్ హ్యాచ్‌బ్యాక్ ఆధారంగా రూపొందించారు. అయితే ప్రస్తుతం ఉన్న కాంపాక్ట్ సెడాన్ కంటే చాలా భిన్నంగా ఉంటుంది. కొత్త డిజైర్ డ్యాష్‌బోర్డ్ చాలా మోడ్రన్, మల్టీ లేయర్ డిజైన్​ను కలిగి ఉంది. మధ్యలో ఫ్రీ-స్టాండింగ్ టచ్‌స్క్రీన్ ఉంది. ఈ కారు ఇన్స్ట్రుమెంట్ క్లస్టర్ కొత్త డయల్స్, MIDతో వస్తుంది. అంతేకాక ఇందులో ఆటో AC, కొత్తగా రూపొందించిన AC వెంట్స్ అందుబాటులో ఉన్నాయి.

ఈ కొత్త డిజైర్​ క్యాబిన్​లో అతిపెద్ద మార్పు దాని ఫీచర్ల లిస్ట్​లో ఉంది. ఇది దాని ప్రీవియస్ మోడల్ కంటే చాలా పొడుగ్గా ఉంది. ఇది పెద్ద 9-అంగుళాల టచ్‌స్క్రీన్, సెగ్మెంట్‌లో మొదటిసారిగా పవర్డ్ సన్‌రూఫ్, 360 డిగ్రీ కెమెరా, క్రూయిజ్ కంట్రోల్, వైర్‌లెస్ ఛార్జర్, సుజుకి కనెక్ట్ ఇన్-కార్ కనెక్టివిటీ సూట్ వంటి ఫీచర్లను కలిగి ఉంది.

ఇంజిన్ అండ్ మైలేజ్: ఈ ఫోర్త్-జనరేషన్ మారుతి డిజైర్ కొత్త Z12E పెట్రోల్ ఇంజిన్‌తో వస్తుంది. దీన్ని మొట్ట మొదటిసారిగా కొత్త స్విఫ్ట్​లో అందించారు. పాత మోడల్ K-సిరీస్ DualJet ఇంజిన్‌తో అందుబాటులో ఉంది. ఇది 1.2-లీటర్, 4-సిలిండర్ ఇంజిన్ 89 bhp పవర్, 113Nm టార్క్‌ను ఉత్పత్తి చేస్తుంది. కొత్త 1.2-లీటర్, 3-సిలిండర్ ఇంజిన్ 81 bhp శక్తిని, 112Nm టార్క్‌ను ప్రొడ్యూస్ చేస్తుంది.

Engine Details	New Maruti Dzire Petrol	Old Maruti Dzire Petrol	New Maruti Dzire CNG	Old Maruti Dzire CNG
Engine Type	Z12E, 3-cylinder naturally aspirated	K-Series, 4-cylinder Dualjet petrol	Z12E, 3-cylinder naturally aspirated	K-Series, 4-cylinder Dualjet petrol
Engine cc	1,197cc	1,197cc	1,197cc	1,197cc
Power (bhp)	81 bhp	89 bhp	68.79 bhp	76.4 bhp
Torque (Nm)	112 nm	113 nm	101.8 nm	98.5 nm
Gearbox	5-speed MT/5-speed AMT	5-speed MT/5-speed AMT	5-speed MT	5-speed MT
Mileage	24.79/25.71 kmpl	22.41/22.61 kmpl	33.73 km/kg	31.12 km/kg

ధర:

Variants	New Maruti Dzire	Old Maruti Dzire
Petrol-MT	Rs 6.79 - 9.69 lakh	Rs 6.57 - 8.89 lakh
Petrol-AMT	Rs 8.24 - 10.14 lakh	Rs 7.99 - 9.39 lakh
CNG-MT	Rs 8.74 - 9.84 lakh	Rs 8.44 - 9.12 lakh
*All prices ex-showroom, India

దీని ధర గురించి చెప్పాలంటే కొత్త డిజైర్ ఎంట్రీ-లెవల్ వేరియంట్ కోసం ప్రీవియస్ మోడల్​ కంటే రూ. 22,000 ఎక్కువ చెల్లించాలి. అయితే దీని ఫీచర్లను పరిగణలోకి తీసుకుంటే ఈ ధర సరసమైనదిగానే అనిపిస్తుంది. మరోవైపు దీని టాప్-స్పెక్ వేరియంట్ కోసం పాత మోడల్ కంటే రూ. 75,000 ఎక్కువగా చెల్లించాల్సి వస్తుంది. అయితే ఈ ధరలు కంపెనీ ప్రారంభ ధరలు మాత్రమేనని గుర్తుపెట్టుకోవాలి. ఇవి జనవరి 2025 నుంచి పెరుగుతాయి.